Carousell
Carousell

細數網民各種Carousell交收經歷!講價、甩底已是濕濕碎 |玩樂熱話

熱話

廣告

唔少人都會將自己唔需要嘅物品放上網Carousell,以低價出售,實在係一家便宜兩家著!不過唔少網民都表示喺網上交易平台Carousell上遇過怪人買家,部份簡直可以用「癲」形容!

細數網民各種Carousell交收奇聞經歷!

1.講價達人

香港人真係好鐘意講價!講價從來唔係問題,但一開口就要求半價,似乎就太過獅子開大口,有人話交易你情我願,咁又無錯,有啲買家幾蚊都鏗,被網民狠批「乞衣」。

Carousell
(圖片來源:《風流大丈夫》劇照 )
Carousell 網民試過開價800蚊被還100蚊,覺得非常過份。
網民試過開價800蚊被還100蚊,覺得非常過份。(圖片來源:連登討論區截圖)
Carousell 網民分享與議價買家的對話。
網民分享與議價買家的對話。(圖片來源:連登討論區截圖)
Carousell 買家直喊半價,賣家都覺得佢好笑。
買家直喊半價,賣家都覺得佢好笑。(圖片來源:連登討論區截圖)
Carousell 網民直批對方乞衣。
網民直批對方乞衣。(圖片來源:連登討論區截圖)
Carousell
(圖片來源:連登討論區截圖)

2.「驗屍官」買家

有網民表示,曾經在平台上賣電話,內文已經寫齊電話狀態及情況,亦有拍攝清晰照片,結果遇著「驗屍官」買家,當場驗咗半個鐘,最後仲同賣家講價。

Carousell 網民出到嚟交收後,被「驗屍官」買家即場棄單。
網民出到嚟交收後,被「驗屍官」買家即場棄單。(圖片來源:連登討論區截圖)
Carousell 網民早就售物頁面上標明狀態。
網民早就售物頁面上標明狀態。(圖片來源:Apple)

3.飛機友

約交收最怕遲到同被人放飛機!但並唔係每一個人嘅時間觀念都咁好,甩底情況日日上演,網民都忍唔住分享自己嘅慘痛經歷,試過幫買家留貨兩星期,點知最後先話唔要,除咗嘥時間,有時連車錢都蝕埋,真係睇見都嬲。

Carousell 網民抱怨遇上飛機友買家。
網民抱怨遇上飛機友買家。(圖片來源:連登討論區截圖)
Carousell 有網民晨早流流出門交收,到咗對方先話唔要。
有網民晨早流流出門交收,到咗對方先話唔要。(圖片來源:連登討論區截圖)
Carousell 有網民在拍賣平台上賣嘢,但遇著飛機友時間金錢都蝕哂。
有網民在拍賣平台上賣嘢,但遇著飛機友時間金錢都蝕哂。(圖片來源:連登討論區截圖)

4.唔睇詳情伸手黨

網友直罵好多買家都係「文盲」,內文寫埋詳細資料,但全部都無人會睇,令佢非常氣憤。

Carousell
(圖片來源:TVB《愛·回家之開心速遞》截圖)
Carousell 有網民好大怨氣,買家從來唔睇商品詳情。
有網民好大怨氣,買家從來唔睇商品詳情。(圖片來源:連登討論區截圖)
Carousell 有人話呢啲情況已經係常態。
有人話呢啲情況已經係常態。(圖片來源:連登討論區截圖)

5.「被」遲到

有網民就話,曾經試過約好時間交收後,對方提早一大截時間到,仲不斷催促佢要佢快啲到,莫名其妙被冠上遲到罪名。

Carousell 網民試過被早到一個幾鐘嘅買家催促。
網民試過被早到一個幾鐘嘅買家催促。(圖片來源:連登討論區截圖)
Carousell 網民分享同類經驗,仲被對方認定遲到而收到差評。
網民分享同類經驗,仲被對方認定遲到而收到差評。(圖片來源:連登討論區截圖)
Carousell
(圖片來源:TVB《尋人記 》截圖)

6.假交易真詐騙?

網民分享有一次出售貨品嘅經歷,買家資訊睇落已經好可疑,更加以唔熟路為理由,要求網民提供屋企地址,不禁令人懷疑對方企圖!有其他網民就指出呢一類型嘅人其實都係騙子。

Carousell 網民遇過要求提供地址的買家,懷疑對方想入屋爆格。
網民遇過要求提供地址的買家,懷疑對方想入屋爆格。(圖片來源:連登討論區截圖)
Carousell 有其他網民表示這類買家都是騙子。
有其他網民表示這類買家都是騙子。(圖片來源:連登討論區截圖)

7.二手當全新

除咗有好多奇怪買家之外,有網民都分享自己曾經在網上買手機嘅經歷,佢表示賣家標明「全新」,點知到手竟然又花又爆Mon,笑言「改變咗我對全新嘅睇法」呀!

Carousell 網民試過買全新手機,點知買返嚟又花又爆Mon。
網民試過買全新手機,點知買返嚟又花又爆Mon。(圖片來源:連登討論區截圖)
Carousell 網民買到嘅全新手機唔通係咁樣?
網民買到嘅全新手機唔通係咁樣?(圖片來源:[email protected]

8. 錢都唔想畀 搲免費禮物!

以上全都是濕濕碎,曾經有網民收到Message想搲免費禮物,他先是表示自己很想要該件物品,但身上又沒有錢,所以請求賣家可免費送出,更承諾會好好珍惜及使用。

Carousell
(圖片來源:連登討論區截圖)

除此之外,仲有多不勝數嘅交易趣事,例如有網民在網上免費送出十幾本書,但買家要求對方大西北直入九龍東,免費送上門,仲有買$10二手書要求包郵等等,各種行為都令人覺得匪夷所思,旁觀者睇可能會覺得好笑,但如果自己遇著這類買家,真係無辦法唔嬲呀!

Carousell
(圖片來源:《乳酪陷阱 》劇照)

資料來源:連登討論區

常見問題

什麼是二手買賣平台Carousell?

Carousell 旋轉拍賣是一個手機分類平台,買家與賣家可隨意自由交易二手商品。

如何避免遇到交易怪人?

可以選擇評分較高的買家或賣家進行交易,同時提防透露個人資訊給予對方。

圖片來源:連登討論區截圖、《風流大丈夫》劇照、Apple 、TVB《愛·回家之開心速遞》截圖、TVB《尋人記 》截圖、[email protected]、INPLUS、《乳酪陷阱 》劇照)

最新吃喝玩樂資訊