用App搭85折的士遇燥底司機！乘客問一句換來「瘋狂問候」｜網絡熱話

召85折的士 事主落車付款前確認是否折實收費

日前，有一名女網民發文，公開被一名的士司機不禮貌對待的乘車經驗。事主當日通宵在外，清晨時分用85折的士應用程式（App）由大埔翠屏花園搭的士去坪石邨，車程當中一直相安無事，但到達目的地時，司機表示收費是$152，事主由於通宵未睡沒有自行計算，禮貌地問了一句「係唔係已經85折咗㗎喇？」希望確認車費。

司機因一個問題瘋狂爆粗侮辱事主

此時，司機突然情緒失控，「呢個癲佬司機就態度好差咁叫我自己計」，又瘋狂爆粗辱罵事主，「係咁鬧我死窮X，冇錢唔好搭的士，句句臭X前臭X後，仲不停X我老母叫我快X啲，我由問完一句就開始不停被佢用粗口鬧」。與此同時，事主正在付款予司機，在司機找續完成後，事主終於忍無可忍反擊司機，「真係癲佬一樣，佢句句都係極侮辱女性嘅說話」，又用手提電話在急忙中拍下司機的形貌及錄下了幾秒的影片，但未及拍下他的駕駛執照，「呢啲的士司機有精神病應該接受治療，唔適合揸車」。

事主覺得「有寃無路訴」

事主極度不忿受到不禮貌對待，認為乘客有權詢問車資，特別是用App召的士，「問清楚有冇85折都好合理，我真係只係問咗一句，點解要畀人侮辱？我畀足應該要畀嘅車資，咩叫窮X冇錢唔好學人搭的士？呢啲就係今時今日香港優質嘅的士服務」，她又不滿乘客就算投訴後，運輸署對涉事的士司機都只會發出勸喻信，欠缺監管，令乘客很無奈。

不恥司機的燥狂行為

網民對事主的經歷意見兩極，有的不恥司機的燥狂行為，「食得鹹魚抵得渴，又要做折，又要玩X乘客」、「其實司機都可以扮睇唔到唔接」、「無人逼佢哋接，唔想做85折可以唔接」、「又要做折頭的，又要話個客，真係難招呼」、「你哋濫收車資時，係咪乘客有權上車X到你落車？」

串爆事主 85折的不應有要求

有網民揶揄事主，「叫得折頭的，咪X同人講要『服務』」、「85折唔好有任何怨言」、「唔打你一身算好彩」、「『應該要畀嘅車資』係法定收費呀」、「基本上你一落85折單時已經有好多司機XXXX，只係你聽唔到啫」。

原文：

資料來源：FB@的士司機資訊網 Taxi