聖誕飾物
聖誕飾物

30分鐘完成!超簡單!舊物變新聖誕飾物

熱話

廣告

仲有唔夠10日就到聖誕節,每年聖誕浪費最多是布置品,去年買的忘記收埋喺邊,於是又再重新買。今年不如重用舊物廢物,親手製個人特色的聖誕擺設。我們找來幾位手作達人,提供幾個簡單易做又呃like的手作仔示範,即使是「視藝科零分」的朋友,都可以找到滿足感。

暖笠笠聖誕微景:15mins 酒杯小裝飾

聖誕diy禮物

歐美流行利用Mason Jar 密實樽,放置舊的小玩具在樽內,再砌出山林雪景,好似水晶球咁夢幻。其實用高身酒杯都可以做到Mason Jar 的效果,倒轉酒杯,杯底仲可以成為燭台,一物二用。聖誕過後,仲可以拆返配件出來,重用酒杯。示範聖杯子雪景燭台的手作情侶檔Chiny 和Mercury,在西貢開設手作店「厘米工作室」,教學、賣物一站式推廣本地手作。

材料:

聖誕飾物 (左起)情景草坡一般模型店有售,約$20-$30不等;高身酒杯;蠟燭 $19.9/4件(IKEA 有售);舊飾物;廢卡紙;熱熔膠槍$49(日本城有售);糯米粉 /鹽
(左起)情景草坡一般模型店有售,約$20-$30不等;高身酒杯;蠟燭 $19.9/4件(IKEA 有售);舊飾物;廢卡紙;熱熔膠槍$49(日本城有售);糯米粉/鹽

製作過程:

Step 1:用熱熔膠固定松果於杯底,另把飾物貼於封杯的卡紙上。

聖誕diy禮物

Step 2:倒入糯米粉,鋪於底部扮雪,亦可選鹽、麵粉等代替。

聖誕diy禮物

Step 3:用熱熔膠貼上杯底紙。

聖誕diy禮物

Step 4:用熱熔膠貼上杯底紙。

901 copy

Step 5:記住要將假雪順住景物「背脊」落,保留前景清晰。完成。

904 copy

有人鍾意簡約風格,一個密實樽配小樹,都好有聖誕feel。

聖誕diy禮物

厘米工作室

地址:西貢海傍街21號
電話:6807 9976
FB:厘米工作室Chiny & Mercury
繼續閱讀:30 mins冬日浪漫吊飾

冬日浪漫吊飾:30mins +輕黏士+曲奇模

BB 手作界流行用輕黏土,貪它夠乾淨同易造型,成品輕身又㩒得,質感有趣,配合埋IKEA 新推出的冬日餅模,用來壓黏土做吊飾,方便容易,松鼠、馴鹿、熊仔乜都有,屋企都可造出白色森林。

主打手作人共用工作室的上環The Crafties,店長Sky 示範輕黏土造型的時候話,想做出完美造型,最緊輕黏土不要太濕,打開包裝之後,等幾小時(視乎環境濕度),讓輕黏土乾身少少先好開始搓,因為太濕就會整嚿黏貼住餅模。最穩陣是模連黏土放過夜,自然風乾後再脫模,咁就一定得。

 

其實用傳統紙黏土都可以做到差不多的效果,且紙黏土未乾身都可以完整地脫離餅模,製作時間較短,不過缺點是乾了之後好易「斷手斷腳」,記者試做時,松鼠同馴鹿就不幸「折肢」,非常可惜。紙黏土價錢平實,細包裝500g 約$15有交易,可以做到約8隻公仔,而輕黏土就貴啲,細包裝$25左右,做到6隻公仔。

店長Sky貼士:「千祈唔好心急用風筒吹輕黏土,因為好易出皺紋,咁就唔靚啦!」

材料:

聖誕飾物 (左起)輕黏土50g $25( 文具店有售);酒杯可代替紙轆;棉線;印字模黏土上印字 令吊飾更靚;曲奇模具 $39.9/6件(IKEA有售);飲管;紙轆
(左起)輕黏土50g $25( 文具店有售);酒杯可代替紙轆;棉線;印字模黏土上印字令吊飾更靚;曲奇模具$39.9/6件(IKEA有售);飲管;紙轆。

製作過程:

Step 1:由於輕黏土水份多,最少要用15分鐘搓泥。

聖誕diy禮物

Step 2:套上餅模,可以一次過壓多個圖案,更加省時。

304 copy

Step 3:用飲管在公仔頂部「開窿」,以便乾身後穿上棉繩掛起。

305 copy

Step 4:可按個人喜好,於公仔身上壓字或者壓上其他圖案。然後待風乾(需約一晚,視乎環境濕度)後脫模。

聖誕diy禮物

The Crafties

地址:上環德輔道西27號星衢商業大廈1樓
電話:3461 1368
FB:The Crafties
繼續閱讀::10 mins 變純純鹿

變純純鹿:10 mins +酒塞+樹枝+牙簽

鍾意杯中物的香港人,屋企唔多唔少都有幾個松木酒塞,儲儲下又唔捨得掉。Cordis Hotel(前朗豪酒店)Art Team 助理美術總監Connie,教大家點樣重用松木塞,整出可愛獨特小鹿。

松木塞是酒店常見廢物,他們今年聖誕派對,就用松木酒塞造火車頭、雪花、小型聖誕樹等做聖誕裝飾,也利用松木塞升級再造成不同大小的水松板,實際兼美觀。

聖誕diy禮物

Art Team 助理美術總監Connie:「如果酒塞太多葡萄酒痕跡代表已太濕,一用㩒釘松木就散,最好揀個表面平滑無酒跡的松木酒塞。」

聖誕飾物 Connie@Cordis Hotel Art Team
[email protected] Hotel Art Team

材料:

聖誕飾物 402 copy
(左起)牙簽;㩒釘;松木酒塞樹枝( 建議在公園地上撿拾,不要破壞樹木)。

製作過程:

Step 1:剪短牙簽後,插入底部做4隻腳。

403 copy

Step 2:鼻尖加入㩒釘,畫上眼睛。

404 copy

Step 3:在頭頂篤2個窿插入樹枝做鹿角。

405 copy

Cordis Hotel

地址:旺角上海街555號
電話:3552 3388
繼續閱讀:10 mins環保燭杯

環保燭杯:10 mins +罐頭再出發

城市人一年食無數咁多個罐頭,掉入金屬回收桶以為已經夠環保?其實用啲心思就可以將佢升級做靚靚燭杯!記者找來空罐頭改造成小燭台,由於罐頭非常輕,用魚絲掛牆或放枱面都好靚。要注意的是,罐頭邊可能會?手,用膠紙在罐邊貼一下,就可以解決啦!

501 copy

材料:

聖誕飾物 502 copy
(左起)顏色紙;鋰電池$15/8(IKEA 有售);LED小燭燈$79.9/8件(IKEA 有售);空罐頭

製作過程:

Step 1:依照罐形剪出適合紙條,貼在罐頭內外。

503 copy

Step 2:一般明火蠟燭令罐頭灼熱,使用時較危險,建議使用LED小燭燈,安全得多。

902 copy

繼續閱讀:30 mins 紙皮著冷衫

睇見都暖:30 mins 紙皮著冷衫

601 copy

冷衫是冬日必需品,不少人愛親手織一條冷頸巾給至愛,但係用剩的毛冷點算好?可以試下幫裝飾品織冷衫。記者用紙皮做了立體的英文字JOY,再襯了米色冷線,放在書架就好有冬天feel。

材料:

聖誕飾物 紙皮及毛冷
紙皮及毛冷

製作過程:

Step 1:用紙皮填滿兩個相同字樣的空間,成立體字。

603 copy

Step 2:毛冷逐條緊貼平排,填滿字樣,然後用膠紙貼好冷線尾收口,完成。

604 copy

最新吃喝玩樂資訊