2015 AIA歐陸嘉年華！5大攤位遊戲贏公仔必勝法！【中環好去處】

Dec 17 2015

2015 AIA歐陸嘉年華17/12開幕！除了機動遊戲吸引，另一目的當然是「畀男仔玩攤位，贏公仔送女仔」啦！今年「獎品」質素中上，有鬼馬嘅Minions、可愛的大眼仔和毛毛，仲有ToyStory嘅胡迪同巴斯，係咪聽到啲公仔都已經想去玩呢。但贏得心水公仔，除了靠運氣（和金錢），都仲要有技巧！記者今日率先玩完場內25個攤位遊戲，話你知攤位遊戲「5大之最」，等大家用最少錢就可以滿載而歸！另外，介紹埋場內4大美食攤位，大家玩到攰就可以坐底醫肚。事不宜遲，馬上帶來最抵食玩嘉年華攻略！

攤位遊戲基本資料：
攤位遊戲數量：全場25個攤位遊戲
代幣價錢：每個為$10
遊戲所需代幣：大部份遊戲每次收取2枚代幣

1. 最HEA贏大獎遊戲：小木樽保齡球

所需代幣：2（4次機會）
難易度：★☆☆☆☆
公仔吸引度：★★★★☆，有怪獸公司嘅大眼仔同毛毛，好得意啊！
玩法：只需要將木球碌倒保齡樽即贏。一或兩次令保齡樽全倒，便可得到大獎；三或四次才將保齡樽全倒，有中獎。
Tips：只需要把球放平，將球向前碌便可，非常輕鬆便得到怪獸公司公仔！
值得一提：贏了兩次中獎可換一次大獎公仔，贏兩次大獎便可換一隻特獎公仔。所以，只要有恆心，要贏特獎唔難！

2.最抵玩遊戲：別有洞天

所需代幣：2（4次機會）
難易度：★★★☆☆
公仔吸引度：★★☆☆☆，一隻帶了帽的熊仔，對比Minions、大眼仔、胡迪等不算太吸引，不過勝在遊戲易玩，易中獎。
玩法：將球碌至有數字的洞，4球總和達100分或以上便得獎。
Tips：只需輕輕力將球向前推，中洞的機會大，而且中有數字的洞都比較易，亦容易中高分數的洞，所以玩一次都有可能中到大獎，最抵玩！

3. 最蠱惑遊戲：乒乓入球

所需代幣：2（4次機會）
難易度：★★★★☆
公仔吸引度：★★★☆☆，一隻可愛的Peppa Pig。
玩法：將乒乓球從盒開口位放下，乒乓球會進入有數字的格中，數字總和達6分或以上便有獎。
Tips：此遊戲的盒好蠱惑，底板不是平放的，所以要贏，就可從角落位放下乒乓球，讓它打斜落進數字格。

4.最唔使用腦遊戲：破壞王

所需代幣：2（4次機會）
難易度：★★★★☆
公仔吸引度：★☆☆☆☆，一隻相對較為普通的熊仔。
玩法：將球拋倒4個木方塊便得獎。
Tips：只要狠狠地將球向前拋便中，無須用腦，亦沒什麼技術可言。不過，此遊戲都幾靠運氣，因為永遠在你拋中三個方塊後，最後一個通常都難拋得中。

5.最難玩遊戲：圈圈有獎

所需代幣：2（4次機會）
難易度：★★★★★
公仔吸引度：★★★★★，好難會唔鍾意的Minions。
玩法：將呼拉圈完全地套進Minions才得獎。
Tips：此遊戲難度高，但勝在套中便得到可愛的Minions。所以，愛迷你乒的朋友們，用拋物線形式，將呼拉圈微微向上，再以好想得到Minions的心態，將呼拉圈拋出，便會中獎。