1人婚禮
1人婚禮

1人婚禮|電影票房告急 網民力數3大敗筆 矛頭直指女主角阿冰!

熱話

廣告

賀歲片《1人婚禮》由小薯茄阿冰擔正、《幻愛》導演周冠成執導,更由杜汶澤喱騷投資,單看班底相當有話題性,不過票房卻未如理想,上映至今票房未過二百萬,有網民更列出電影3大死因,更有網民將票房仆直矛頭直指女主角阿冰!

1人婚禮|網民力數3大死因

《1人婚禮》電影成績未如理想,投資者杜汶澤更連日隔空谷票!票房告急,阿冰曾預告若票房達千萬即著3點式答謝大家,而男主角陳健朗亦豪氣表示會裸跑。不過有網民就力數3宗罪,更指選角是失敗主因?

1人婚禮
(圖片來源:電影《1人婚禮》劇照)
1人婚禮
(圖片來源:電影《1人婚禮》劇照)

1.上映時間錯誤:同期競爭大

賀歲電影競爭相當激烈,黃子華的《毒舌大狀》票房破五千萬大關,《超神經械劫案下》亦直逼二千萬,反觀《1人婚禮》就較為失色,有網民表示如若《1人婚禮》於情人節期間上映,反應會較好,「揀錯晒timing,揀岩冇咩戲撞慢慢刷應該就過到1000」、「上錯時間」、「情人節先上啦好心」。

1人婚禮
(圖片來源:電影《1人婚禮》劇照)

2.阿冰擔唔到大旗

阿冰為小薯茄channel女主角,雖然有大量粉絲支持,但亦有不少人就質疑其未夠資格擔正做電影女一,「YouTube片同電影好大分別,女主角咁易做㗎咩?」、「預告片真係好趕客,加上九唔搭八搵小薯茄做主角,根本就唔吸引」、「主要係唔妥阿冰,MK妹咋喎,憑咩估主角?」、「阿冰戲屎咪唔睇,平時睇佢YouTube片就知,都係誇張個啲搞笑片」、「本身算係 Youtube 界女神,小薯茄當紅炸子雞走去做電影女主角搞到見真章」、「佢嘅feel上唔到大枱」。

1人婚禮
(圖片來源:電影《1人婚禮》劇照)

3.爛片兼鬧劇

有網民狠毒力插電影完全不是喜劇,而是荒誕片、鬧劇、cult片就差唔多,「完全鬧劇,又嘥錢,又交代唔到最後乜野令到阿冰唔再迷失,覺悟返愛自己,瞓醒覺諗通咗一天都光哂咁就完?仲有,明明個主題愛自己,做乜X嘢最後3個配角都要安排個partner俾佢地互勉?,再講互勉完之後又好神奇咁消失咗」。有網民指因為睇過評語,唔想睇爛片而拒入場,「支持香港電影,製作人就應該用作品質素去令人支持,唔可以乜都盲撐,咁搵杜生著婚紗做阿冰個角色咪得囉」、「睇咗,但幾悶下幾次想離場,如果唔係阿冰我一早走咗」、「套戲換晒啲主角都唔係好得喎」。

1人婚禮
(圖片來源:電影《1人婚禮》劇照)

網民力撐:要支持本地電影!

心清水的網民指出電影上映時間尚短,成績未成定論,更不能與同期賀歲片一同比較。有不少網民力撐要支持香港電影,「講真係一套以低成本製作但誠意十足的電影」、「唔關立場事,係要支持香港電影,睇咗《19歲》、《毒舌》都可以睇埋呢套本土電影」、「小品都可以有自己市場,值得去支持下」、「唔好睇立場,周導仲有套《幻愛》㗎,堅有料」。

電影預告:

《1人婚禮》劇情?

劇情育述美女小丑藝人阿冰與作風踩界的男友Dickson,決志成為熱爆YouTuber,為求提升點擊率,順應網民要求玩求婚,實際是假結婚……

《1人婚禮》由誰主演?

片《1人婚禮》由小薯茄阿冰擔正做女主角、演員兼新晉導演陳健朗擔任男主角、 《幻愛》導演周冠成執導,以及杜汶澤喱騷投資。

圖片來源:《1人婚禮》劇照