00後同事
00後同事

網民分享11個00後同事奇怪行為:信件掉回收箱、抆雪櫃電制叉電|網絡熱話

熱話

廣告

00後同事特別奇怪?每隔一段時間,網上就會出現「XX後同事奇怪行為」的貼文,網民會分享公司內這個年紀的同事的奇怪行為,部份行為的確令人咋舌,但也有一些只是「老屎忽」同事的偏見。今次中槍的就是2000後出生的職場新人,大家又覺得他們的行為是否不可原諒?

網民分享11個00後同事奇怪行為

2000後出生的人,年紀最大也不過是22歲,應是職場新鮮人,又或者仍然在學中,在不同地方實習或兼職。因為工作或人生經驗都較少,難免容易出錯或做出一些無法理解的行為。有網民在連登討論區以「一人一個00後同事白卡行為」為題發貼,拋磚引玉先分享了一個00後同事奇怪行為:

00後同事
(圖片來源:TVB《愛回家之開心速遞》截圖)

我請佢forward一個email畀我,佢用WhatsApp send咗佢email address畀我

網民分析,該00後同事應該是不明白’forward’是什麼意思,以為樓主想要他的email地址,所以就給他了。接下來網民也分享了其他同事奇怪行為。

00後同事 同事奇怪行為 原文截圖
原文截圖(圖片來源:連登討論區)

1.工作效率極低:

老細叫同事做嘢,純粹打好少字入excel
打足幾日,打到老細+同事 A、B、C都問點解仲未打完
個同事完全唔覺得有問題,仲答「爭少少」

不過也有網民反指他醒目,「咁咪唔洗做下一樣嘢」、「人哋分分鐘做緊副業,有前途」。

00後同事 同事奇怪行為 工作效率極低影響甚大
工作效率極低影響甚大(圖片來源:《未生》劇照)

2.返工打機

番工走咗去開ps4玩,我同其他同事呆X咗
佢嘅反應係真心唔覺得返工走去打機有問題
唔好問office點解有,有都唔係畀佢玩的

留言者指公司有ps4及遊戲,但00後同事竟然在返工時間光明正大地打機。但也有網民不明白「打機有咩問題」、「咁部機唔係用嚟打咁用嚟做乜X嘢」,更有網民指留言者「係咪個啲扮有外國開放公司文化個啲XX老細?」、「Google Apple都係咁啦X你老母,咩唔係比佢玩,階級X食屎狗」,反斥留言者不是。

00後同事 同事奇怪行為 現在有不少公司都彷效外國企業,設置遊玩設施營造輕鬆的工作環境
現在有不少公司都彷效外國企業,設置遊玩設施營造輕鬆的工作環境(圖片來源:TVB《愛回家之開心速遞》劇照)

3.不懂換影印機紙張

叫佢入影印機A4紙,佢連嚿包裝紙成嚿放入去

我同事試過,仲話:吓乜部機唔識拆開佢㗎咩(網民回應:佢以為係膠囊咖啡機?)

叫個同事幫手換紙,之後要印嘢嗰陣當然印唔出,
問佢佢話換左,一打開個tray,佢成包A4紙無拆開個包裝,完整咁塞左入去

00後同事 同事奇怪行為 叫佢入影印機A4紙,佢連舊包裝紙成舊放入去......
叫佢入影印機A4紙,佢連舊包裝紙成舊放入去……(圖片來源:《金秘書為何那樣》劇照)
00後同事 同事奇怪行為 A4紙連嚿包裝紙成嚿放入去...
A4紙連嚿包裝紙成嚿放入去…(圖片來源:新假期編輯部)

4. 重要東西入郵箱放入回收箱

叫佢落樓下幫我將封信入落郵箱,佢入X咗廢紙回收箱到

00後同事 同事奇怪行為 莫非誤會咗回收箱係郵箱?
莫非誤會咗回收箱係郵箱?(圖片來源:新假期編輯部)

我有個同事叫佢去樓下交管理費
佢將張支票入左去大廈維修意見收集箱
管理處收唔到打俾我老細,佢堅持無入錯
到大廈真係維修打開個箱先見到佢張票

00後同事 同事奇怪行為 交管理費都交錯
交管理費都交錯(圖片來源:《金宵大廈》劇照)

5.投訴同事紋身+公司無法幫他add value

Intern返工第一日,見到公司幾個同事身上有紋身,驚到喊。話自己讀band 1 女校又3大,接受唔到同壞人做同事。Lunch之前佢呀媽上咗公司,鬧我Director 話同事有紋身都請,成間公司有問題,要即時帶個女走。

另一個intern,男仔,又係band 1 學校3大,第一日返工就入咗去director 間房,同director 講自己由細到大都係名校同埋屋企勁有錢(之後俾人發現係住美孚新村),問director呢度點樣可以幫佢add value(增添價值)。Director 係鬼,完全唔知佢做乜。第二日佢冇返工,send email投訴我哋幫唔到佢add value,好失望,所以佢話自己係resign with anger(嬲住辭職走)

00後同事 同事奇怪行為 紋身就代表壞人,是什麼年代的守舊思想?
紋身就代表壞人,是什麼年代的守舊思想?(圖片來源:ViuTV《太平紋身店》劇照)

6.不緊守崗位

成班女仔過哂lunch hour都未on duty,咁啱有patient emergency call(客戶緊急來電)冇人聽,好彩有另一個同事幫手應機先救到命,後尾搵到佢地話玩拍片跳舞,仲問我哋下次一唔一齊跳

00後同事 同事奇怪行為 不工作反而在跳舞,還好沒有「搞出人命」
不工作反而在跳舞,還好沒有「搞出人命」(圖片來源:《與我跳舞》劇照)

7.不懂用Fax機

因為現時大部份文件都電子化,很多時都只需要email給對方即可,導致有不少年輕職員不懂如何使用Fax機:

唔識用fax功能
叫佢去fax嘢,佢fax左好多次都以為唔成功
咁佢就係咁fax,人地應該收到好多張一張嘅嘢

不過留言一出,不少網民都指「原來仲有公司用Fax機」、「好多90 / 00 後都未必識用fax 機」、「你唔係出過黎做野,而加邊有機會仲用fax」、「任何年齡嘅人都未必識用」,認為這並非00後的錯。

00後同事 同事奇怪行為 不少網民都指「原來仲有公司用Fax機」
不少網民都指「原來仲有公司用Fax機」(圖片來源:連登討論區)

8.損壞公司貨品

賣蛋糕,00後為咗自己部手機叉電,一嘢抆咗個雪櫃制嚟叉電,差完冇插返好。所有貨壞死

00後同事 同事奇怪行為 雪櫃啲蛋糕bye-bye!
雪櫃啲蛋糕bye-bye!(圖片來源:新假期編輯部)

9.不明白上司指引但又不開口問

老闆emaill叫佢 ‘add some colours to the below’
佢真係加咗唔同色係啲字度

10.工序簡單複雜化

呀姐叫同事係畀客個email highlight 個quote, 等人哋容易啲spot到,同事print 咗個email 出嚟,再用綠色highlighter highlight 咗個價,scan 返做pdf,再放做attachment,email content 同attachment 係一樣,除咗價錢highlight 咗

叫佢 print pdf,真係走去 print hard copy 再去 scan做pdf

但有網民反指是留言者說得不清楚,直言「我覺得佢幾醒識轉彎,print pdf冇成日用真係唔知你up乜,下次試下講轉做pdf檔」。

00後同事 同事奇怪行為 有網民反指是留言者說得不清楚,他才會這樣做
有網民反指是留言者說得不清楚,他才會這樣做(圖片來源:《我們與惡的距離》劇照)

11.影相當copy

叫佢幫我copy份文件 (得一張紙),到我返埋位之後唔見份copy,就走去問佢份嘢去咗邊,佢WhatsApp send返幅相俾我……原來佢影咗幅相當係copy咗

不過其實不少所謂的奇怪行為只是因為他們未接觸過,但又沒有開口問。不希望對方一錯再錯(然後要你執手尾),還是花點耐性教導一下他們吧。

00後同事 同事奇怪行為 花點耐性教導一下新人們吧
花點耐性教導一下新人們吧(圖片來源:ViuTV《大叔的愛》劇照)

資料來源:連登討論區

圖片來源:連登討論區、《未生》劇照、TVB《愛回家之開心速遞》劇照、《金秘書為何那樣》劇照、《金宵大廈》劇照、ViuTV《太平紋身店》劇照、《與我跳舞》劇照、《我們與惡的距離》劇照、ViuTV《大叔的愛》劇照

最新吃喝玩樂資訊