香港迪士尼
香港迪士尼

香港迪士尼樂園連續7年虧損 勁蝕$24億!無論點做都蝕?網民拆解巨額虧損背後原因:「不如拆左佢起XX好過!」|玩樂熱話

熱話

廣告

香港迪士尼樂園度假區早前公布2021年度業績,財政年淨虧損達24億,己經連續七年錄得赤字,網民紛紛表示擔心樂園會因此「執笠」,撤出香港市場,亦有網民覺得樂園其實可有可無,不如改建其他有用建設,更嘗試分析樂園蝕錢蝕足七年原因!但行政總裁莫偉庭表示預期4月底樂園重開,預期客人消費會帶動收入,加上而且本財年首季業頗佳,所以對前景保持樂觀。

香港迪士尼樂園連續7年虧損 勁蝕$24億!

受疫情影響,樂園雖然己推出無薪假、減少市場推廣成本支出及取消某些季節活動等控制成本措施,但去年總營運日數為215日令收入減少,加上防疫措施的相關成本,2021財政年度虧損近24億,但較上年2020年26.6億赤字已經收窄,而本地賓客入場人次較上財政年度增長117%,年票會員人數亦增長55%,但連續7年蝕錢,實在令人擔心。

香港迪士尼 香港迪士尼是本地兩大主題公園之一。
香港迪士尼是本地兩大主題公園之一。(圖片來源:Unsplash@jacobdyer)
香港迪士尼
(圖片來源:Unsplash@megglandrito)

網民激烈討論樂園會唔會因為咁而關門大吉,撤出香港市場,但意見兩極。有一批啱啱買完年票嘅朋友當然希望可以玩返夠本先,千祈唔好執;亦有一撮人認為如果無咗迪士尼呢個選擇,到時要玩只可以去海洋公園。不過也有人認為,如果迪士尼撤走,地皮用作起公屋,可解決香港部分房屋問題,都未嘗唔係一件好事;但有網民覺得就算真係起都只會係私人樓,更戲言如果疫情持續,起方艙都有機會!

香港迪士尼 香港房屋問題必須正視
香港房屋問題必須正視(圖片來源:LIHKG討論區)
香港迪士尼 有網民表示對環球影城比較有興趣。
有網民表示對環球影城比較有興趣。(圖片來源:FB@巴打絲打「00九吹專區」)
香港迪士尼
(圖片來源:FB@巴打絲打「00九吹專區」)

網民拆解巨額虧損背後原因?行政總裁:對前景保持審慎樂觀

其實2021年度蝕24億,一年有365日,除返開每日平均蝕657萬,究竟如何可以一日損失600萬?有了解迪士尼樂園運作嘅網民就話,其實因為版權問題,任何於樂園內銷售嘅紀念品,一律需要向母公司華特迪士尼繳交售價一半以上費用,而樂園收入亦要與母公司平分,但樂園所有營運龐大支出,維修及興建新設施,都要由香港公司自行支付,所以虧損數字之巨大不無道理。

香港迪士尼
(圖片來源:LIHKG討論區)
香港迪士尼
(圖片來源:LIHKG討論區)

在疫情影響下生意難做,但香港迪士尼樂園過去兩年樂園並無裁員,即使今年無政府的「保就業」計劃,亦不會削減員工,同時為準備樂園重開,暫時未擬再推無薪假,可見成本控制較理想,另外母公司亦提供21億元周轉信貸,以支援營運資金及業務需要。由於去年度本地賓客及年票「奇妙處處通」入場人數創新高,樂園展望4月21日重開,重點將會放喺本地客,到時會有推廣活動,而去年樂園已劃分兩種不同價格門票,因此今年內不會考慮加價。

香港迪士尼
(圖片來源:LIHKG討論區)
香港迪士尼
(圖片來源:LIHKG討論區)
香港迪士尼
(圖片來源:LIHKG討論區)

香港迪士尼樂園已連續虧損第幾年?

連續7年虧損,2021年勁蝕$24億!

網民拆解香港迪士尼樂園每年虧損的原因是?

除了樂園所有營運龐大支出,維修及興建新設施,都要由香港公司自行支付外,還有….按此查看

圖片來源:LIHKG討論區、FB@巴打絲打「00九吹專區」、Unsplash@megglandrito、Unsplash@jacobdyer