飯戲攻心
飯戲攻心

《飯戲攻心》影評|暗藏9大訊息 戲中金句、插曲、叉燒都有喻意!

熱話

廣告

《飯戲攻心2》將於2024農曆賀歲檔上映,ViuTV特意安排1月21日星期日晚上8:30首度免費播放《飯戲攻心》,電影公映時好評不斷,除了笑位多多,更含有不少意義,港人大讚笑中有淚,是高質的港產片!網民大讚導演兼編導陳詠燊Sunny的功力,更有人盤點戲中暗藏9大重要訊息,即睇!

《飯戲攻心》出9大訊息

《飯戲攻心》由黃子華、鄧麗欣Stephy、林明禎、張繼聰、王菀之及陳湛文主演,網民指六人在電影各有功能,夾埋就產生化學作用,互不搶到大家的戲。《飯戲攻心》票房衝破3千萬,連續12天成為票房第一。《飯戲攻心》被指是難得一套真正的港產片, 網民大讚導演兼編導陳詠燊Sunny的功力,更點出電影當中至少9大訊息,「唔玩食字,唔玩粗口、唔玩低俗,用一句句對白去搞笑,但又笑中有訊息有眼淚」。

飯戲攻心 《飯戲攻心》上映至今好評不斷。
香港史上票房No.1喜劇 《飯戲攻心》被安排於1月21日在電視播放。(圖片來源:電影《飯戲攻心》劇照)
飯戲攻心 陳詠燊導演分享拍攝《飯戲攻心》宣傳片花絮。
陳詠燊導演分享拍攝《飯戲攻心》宣傳片花絮。(圖片來源:IG@sunnyhahaha_chan)

1.「煮飯婆」好辛苦

在《飯戲攻心》戲中負責煮飯的王菀之,想講出屋企負責煮飯嗰位好重要,往往被忽視,其實煮飯都係一門學問,由安排煮飯的先後次序,去控制所有餸上枱時的溫度,絕對唔容易,但負責食嘅通常都係老馮兼唔會珍惜,仲嫌三嫌四。

飯戲攻心 王菀之同「三弟」陳湛文發展姊弟戀。
王菀之同「三弟」陳湛文發展姊弟戀。(圖片來源:《飯戲攻心》劇照)
飯戲攻心
(圖片來源:《飯戲攻心》劇照)

2.做大佬的辛酸

黃子華在戲中的大佬,有啲人睇落正常,其實自己收埋不少重擔,有苦自己知。做人大佬乜都要頂住,人哋開心之時就係自己最唔開心嘅時候,網民指勁有共鳴「無論工作、家庭中的大佬,做過先會明,睇到眼濕濕」。

飯戲攻心 黃子華在戲中飾演大佬陳鴻。
黃子華在戲中飾演大佬陳鴻。(圖片來源:《飯戲攻心》劇照)

3.港人移民問題

電影有港人最切身的移民問題。戲中阿媽一句「住夠就好走,行遠啲啦」之後黃子華就話「畀啲時間我」,反映現今港人對移民的掙扎。而朂尾一幕客串的廖子妤帶出,「邊度有家人邊度就係家,地點唔重要,最緊一頭家團結」,獲讚電影難得唔難尾收得好靚,仲解答了黃子華一直想知的問題。

飯戲攻心
(圖片來源:電影《飯戲攻心》宣傳片截圖)

而黃子華代表「留港派」最後都有租番間屋,另外二佬張繼聰對住個招牌一段戲,街外人睇落無福,但最緊要是自己知道呢個係福,自己知香港有值得留戀嘅地方就可。

飯戲攻心 廖子妤右)客串有驚喜!
廖子妤(右)客串有驚喜!(圖片來源:IG@sunnyhahaha_chan)

4.叉燒都有喻意

三兄弟話老竇整嘅叉燒好難食,之後大佬講出重點:「難食但平嘅叉燒都有佢嘅需要,唔係邊有平價飯同常餐叉燒意,最緊要係養大一家」,網民大讚夠晒貼地,反映一般市民生活、工作平凡,但其實都喺社會其中一粒螺絲,只要養到家,無需自卑亦唔好自大。同時被指對移民的一個「回應」,指移民無分對與錯,上一代留落來,想發揚光大,唔使留喺香港一樣做到,最重要係帶住上代嘅去發展。網民指「應該係知好多人唔捨得走,但又無奈要走嘅人嘅一番說話。唔走嘅,繼續守住,存在過嘅都會留下㾗跡」。

飯戲攻心 黃子華和張繼聰飾演兩兄弟,更「爭女」。
黃子華和張繼聰飾演兩兄弟,更「爭女」。(圖片來源:《飯戲攻心。劇照)
飯戲攻心 鄧麗欣飾演大佬黃子華前度,二佬張繼聰現任女友。
鄧麗欣飾演大佬黃子華前度,二佬張繼聰現任女友。(圖片來源:《飯戲攻心》劇照)

5.一家人最重要

戲中「帶出一家人真係好重要」的意思,家人就是家人,是永遠也不會變的事實,血緣關係不是話斷就可以斷。

飯戲攻心 電影本來是賀歲片,因疫情延期,在中秋檔期上映,上映首日票房已破紀錄。
電影本來是賀歲片,因疫情延期,在中秋檔期上映,上映首日票房已破紀錄。(圖片來源:《飯戲攻心》宣傳片截圖)
飯戲攻心 一家人好重要。
一家人好重要。(圖片來源:電影《飯戲攻心》劇照)

6.文物保育課題

香港從來不注重文物保育, 政府為發展為起樓,只有愈拆愈多,不少文物就在大家生活附近,但唔到最後一刻話拆都唔會去珍惜!

飯戲攻心 林明禎被讚不是花瓶,令人有驚喜。
林明禎被讚不是花瓶,令人有驚喜。(圖片來源:《飯戲攻心》)

7.探討電競生態

現今社會對電競仍未給予肯定,唔認為是一項正式運動,更定性為失敗,只是一種潮流,電影帶出只要付出努力,都可以好成功。

飯戲攻心 陳湛文飾演陳熹,是一名電競手。
陳湛文飾演陳熹,是一名電競手。(圖片來源:《飯戲攻心》劇照)

8.版權問題

講了好多年的版權問題,始終未有多少人會重視,有不少人「二次原創」就直接抄各地的藝術家作品,唔會畀版權費不特止,更博大霧當係自己!

飯戲攻心 鄧麗欣近來四出謝票。
鄧麗欣近來四出謝票。(圖片來源:IG@stboo)

9.香港真係好靚

最尾幾幕,以航拍方式拍下多角度香港夜景,就像坐飛機離開時所見到的畫面,萬家燈火,用畫像同大家講「香港真係好L靚」。電影用了張學友的經典情歌《還是覺得你最好》,歌詞「但我不懂說將來 但我靜待你歸來」、「即使你離闕,我熱情未改 這漫長夜裡,誰人是你所愛」用情歌去配合套戲的中心意思。

飯戲攻心
(圖片來源:《飯戲攻心》宣傳片截圖)

網民:最重要係黃子華冇份參與創作!

網民指電影之所以成功,是因為黃子華今次沒有參與創作,而導演陳詠燊亦指有改對白習慣的黃子華,今次一句對白都無修改。

飯戲攻心 網民指電影之所以成功,是因為黃子華今次沒有參與創作,而導演陳詠燊亦指有改對白習慣的黃子華,今次一句對白都無修改。
網民指電影之所以成功,是因為黃子華今次沒有參與創作,而導演陳詠燊亦指有改對白習慣的黃子華,今次一句對白都無修改。(圖片來源:IG@sunnyhahaha_chan)

原文刊於:新Monday

《飯戲攻心》要睇多幾次先會明?

導演陳詠燊表示電影暗藏至少10大隱喻,等待大家發掘,不少網民指「睇漏咗」,要入場睇多幾次先,一齊嚟睇下……詳見:導演大爆電影當中9大訊息

黃子華為未能出席謝票作出「重大承諾」?

黃子華因忙於進行舞台劇演出而一直未能參與《飯戲攻心》謝票活動,早前曾在自己的本部專頁拍片向各大觀眾作出「回水」保證⋯⋯詳見:黃子華拍心口各觀眾承諾

圖片來源:電影《飯戲攻心》宣傳片截圖、電影《飯戲攻心》劇照、IG@sunnyhahaha_chan、IG@stboo、IG@sunnyhahaha_chan