食蟲
食蟲

食蟲 其實好潮?

熱話

廣告

早前經濟學人派蟲蟲雪糕、網售蟲蟲棒棒糖上A1頭條,一時之間食蟲變潮流。港人多當 食蟲 為明將之類的玩命遊戲,但早於2013年,聯合國糧食及業組織已建議用昆蟲取代肉類,減少畜牧業的資源虛耗和溫室氣體排放,加上昆蟲營養豐富,被形容為「新羽衣甘藍」,是解決糧食危機的future food。你可能問:「同蟲蟲你眼望我眼咁唔開胃,幾環保都假!」其實,為幫助大家突破心理關口,時下最潮的蟲蟲食物已甚少原隻上碟,反而巧妙地將昆蟲混入日常食物,食咗都唔覺,例如美國近年流行的,是將烘烤過的蟋蟀磨成蟋蟀粉(cricket flour),可用來做曲奇、脆片、奶昔、能量棒等。記者「有幸」試過美國Bitty Foods 的蟋蟀曲奇,味道與一般曲奇無異, 食蟲 救地球又有乜好怕喎!

Bitty Q&A

Q1. 點解Bitty用蟋蟀而唔係其他昆蟲?
可食用昆蟲有超過2,000種,但對於冇食開昆蟲的美國人,蟋蟀係「入門級」,營養好又(比較)冇咁得人驚,不含可傳染人類的疾病,亦不會如蝗蟲般破壞農作物,加上美國已有商業蟋蟀養殖場,在食用蟋蟀方面有一定研究和認識。雖然好多地方都有出產食用蟋蟀,但我們只在美國和加拿大入貨,確保達到USDA 的要求。
Q2. 點解Bitty淨係出曲奇?蟋蟀粉仲可以點食法?
雖然Bitty 以較易為人接受的曲奇起家,但我們正在開發其他以蟋蟀粉做材料的食物。蟋蟀粉能為食物增加烘烤果仁般的味道,其實做甜食和鹹食亦得,唔單止高蛋白質,亦係omega -3、鐵質、維他命和礦物質的良好來源。

Q3. 你覺得 食蟲 有冇市場?
唔少出名廚師如全球最佳餐廳Noma 大廚Renee Redzepi 都有用昆蟲入饌,就知 食蟲 係趨勢!加上聯合國推動 食蟲 以穩定糧食供應,歐美國家定會研究 食蟲 的可行性。自兩年前成立Bitty,曲奇銷量穩步增長,可見大家唔淨係貪得意試完就算,而係當昆蟲被包裝成可口的食物時,係會為人接受成日常食物的。我們最終希望助人將 食蟲 融入飲食習慣,因為據聯合國研究,昆蟲成為主流食物的話,可以減少溫室氣體排放達18%、全球糧食價格達33%!

Bitty Foods
網店:bitty.myshopify.com
延伸閱讀:
大學生帶隊 觀豚 長知識【大澳】
飯桌上的人情味【北角】