飛機
飛機

懶理飛機安全演示照去廁所被勸告 內地客:「我懂自己救自己!」

熱話

廣告

飛機每次起飛前都會有空中服務員為大家展示逃生方法及安全守則,但往往都會有人持住「自己識」、「以前已經睇過」又或者覺得「唔關自己事」而忽略呢個環節,萬一出事就認真大鑊。較早前就有空姐投稿至「西客之道Hispitality Secret」Facebook專頁,分享一次工作時嘅經歷。

撰文:Evita | 圖片:新傳媒圖片庫、劇照

內地客懶理飛機安全演示

早前有空姐投稿至「西客之道Hispitality Secret」Facebook專頁,表示「安全係飛行中最重要」,所以當播放安全演示片嘅時候,都需要一班空中服務員睇實乘客有無睇到。但係樓主亦表示經常有乘客掛住玩電話或者睇報紙,好多時候都真係睇唔晒咁多人。

樓主分享之前負責跟一班由香港飛往內地航班,有女乘客喺播放安全演示片期間衝入廁所,於是樓主就即時敲門叫佢出嚟。

以下內容為國語:

樓主:「小姐請先不要出洗手間,要看安全演示!」

然後嗰位女乘客行出嚟,不過就選擇企喺廁所門口,唔肯返埋位。

樓主:「小姐你好,請先回到座位看安全演示,等一下再去洗手間吧。」

對方依然唔出聲,繼續企喺到。

樓主:「麻煩你回到座位上,其實飛機在滑行期間,乘客也應坐着。」

女乘客終於講嘢:「為甚麼不讓我上廁所?這是我的權利!人權啊!我有權去洗手間,我很急!還要敲我的門叫我出來,以為甚麼大事!」

而樓主表示明白,亦重申因為考慮到安全問題,請對方返埋位,一陣先再去廁所。

點知女乘客竟然咁答:「我自己的安全我會自己負責,不用你們去管,你們甚麼都不懂!我懂自己救自己,不用你們管!看不看都不關你們事!」

身為空姐嘅樓主聽到嬲到火都嚟埋,但係涉及到安全問題,就一定唔可以妥協。

樓主一句反擊:「你不看安全演示,怎知道逃生門在哪?救生衣怎用?氧氣面罩的使用方法啊?你會比我們更清楚嗎?你不看怎樣救自己呢?還有,要逃生的時候,我們是協助你們,是我們去開飛機門的!為了你的安全,請你立刻回到坐位!」

樓主表示該名女乘客最終返咗埋位,但係更奇怪嘅係之後就無見過佢去廁所……(明明話好急)

其實無論搭飛機、搭船、搭巴士,搭咩都好,作為一個乘客就應該要遵守規則,畢竟交通工具上,其實唔係得你一個人。