【非洲豬瘟】僱主講明買唔到豬肉無得返屋企 外傭搵足3個鐘當場淚灑街市 |網絡熱話
廣告
編輯:Evita | 圖片來源:Facebook《外傭僱主必看新聞訊息》、劇照|撰文:Pi
外傭搵足3個鐘當場淚灑街市
最近有僱主喺《外傭僱主必看新聞訊息》Facebook群組發文,指自己嘅工人姐姐同佢分享,話喺中午時去街市,行過街市門口見到個同鄉拎住電話不斷喊,於是就問佢發生咩事。
同鄉:「老闆要買新鮮豬肉,如果唔係唔可以返屋企。」
於是樓主個工人姐姐就同同鄉講啲豬有病,全港都無,點知同鄉聽到之後爆喊,全因佢搵咗3個鐘!
再傾落去,發現原來同鄉只係啱啱嚟到香港一個月都無,又點識咁多嘢呢?最後樓主亦喺文中呼籲群組中嘅老闆,應該要同工人姐姐好好溝通。
有唔少網民都回覆指嗰位姐姐好慘,如果係自己都會爆喊;亦有人認為人哋都係打份工,講到無得返屋企好過分。
投稿原文:
我想講,姐姐話中午去街市。
行過街市門口話見到個同鄉拎住個電話喺度喊,我姐姐就問佢咩事……
點知個同鄉話:「老闆要買新鮮豬肉,如果唔係唔可以返屋企。咁我姐姐都有話豬有病,全港都無……點知同鄉爆哭,因為佢搵咗3個鐘!再傾先知佢嚟咗一個月都無。」
唉,一個土生土長印尼女人唔識睇唔識講,又點識香港咁多野呢!我姐姐最後只可以話佢老闆可能唔知… 之後再走咗啦!
我信呢度有好多好老闆,亦有好多未預理想嘅姐姐,每人做事都唔同……得閒咪同姐姐傾多兩句~畀著係我返工成日同老闆這麼近,那麼遠日子都覺得好難過!