青衣
青衣

網民力數青衣5宗罪:多公屋、美食沙漠!居民反駁好好住|玩樂熱話

玩樂熱話

廣告

早前有網民指青衣係18區入面最唔好住,甚至問人:「究竟買青衣樓嘅人係咩心態?」,更加力數青衣唔好住的5大缺點。當中包括指青衣物業欠缺升值潛力、無吸引的餐廳是「美食沙漠」等。發文後隨即引來不少網民反駁,有青衣居民就認為青衣遠離市區少少,不知幾好住!

網民列舉青衣5大缺點:冇升值潛力+美食沙漠

你對青衣有咩印象?明顯就是一個住宅區,如果不是探親朋戚友,或者行山都未必會去青衣。最近就有網民以「究竟仲買青衣樓嘅人係咩心態?」為題,列出青衣唔好住的多個缺點。

主要認為香港區區都有發展,青衣山上多公屋,空氣差,大商場又得一個,最多得公屋商場,葵涌至少都有葵涌廣場,人氣旺盛,但青衣就死氣沉沉。網民表示而且沒有美食,絕對是「美食沙漠」,物業又欠缺升值潛力,所以點解仲有人想買青衣樓。

青衣大商場只得一個
青衣大商場只得一個(圖片來源:新假期編輯部)

居民反駁:不知住得幾寫意

不過,此帖文一出,立即引起不少討論,有人認同樓主睇法,認為買青衣樓都只是為了方便上班,亦有網民反駁,覺得青衣交通便利,比市區多點空間,不會太擁擠,居住環境舒服。有前青衣居民,住了20多年,覺得青衣空氣一點都不差,住得幾好,反而搬了出去另一個區,才想念青衣。

青衣 有前青衣居民,覺得青衣住得幾好,反而搬了出去另一個區,才想念青衣。
有前青衣居民,覺得青衣住得幾好,反而搬了出去另一個區,才想念青衣。(圖片來源:tvb 《愛回家》劇照)

有部分住在該區的居民認為青衣住得幾寫意,碼頭個邊又有海旁行下,平時返工想行街出去第二度都得,住就想住得寧靜。至於沒有美食,青衣交通方便,幾個站就可以去旺角、荃灣想吃甚麼都得。

青衣
(圖片來源:《香港愛情故事》劇照)

而且有人亦是因為住近「四大長老」家,方便照顧年幼孩子,「兩公婆都要返工7點要出門口,又唔想請工人個細路想畀四大湊,要焗住隔籬」。有網民就覺得,青衣同不少區都一樣,同區不同屋苑都已經有很大分別,屋苑的配套、住宅環境方向都有好大分別,如果樓主看下呎價就知咩事。

青衣 一家住近迪士尼假期即刻可以去玩,好方便
一家住近迪士尼假期即刻可以去玩,好方便(圖片來源:新假期編輯部)

出帖文的網民認為,18區入面最唔好住係?

青衣區。

居民為何反駁樓主?

居民認為青衣遠離市區少少,不是人多就好,靜有靜的好住!

關鍵詞
玩樂熱話
圖片來源:新假期編輯部、tvb 《愛回家》劇照