盤點6款浪費金錢的電子產品！ AirTag交智商稅　買呢款新品等於無腦？

6款被指浪費金錢的電子產品

1.Apple Watch

Apple Watch幾乎每年都有新一代出現，除了外型上的不同以及錶帶次次都有新款外，新增的功能亦備受矚目。不過有網民指基本上除了接收訊息通知、看時間、運動時計算消耗外，其他功能都「相當廢」。網民指「基本上人人機不離手，其他功能喺電話都做到，邊個要望咁細隻錶做咁多嘢」、「隻錶基本上兩日就要差一次電，講真幾麻煩，今次仲要貴到6千幾蚊，我買隻普通錶就咁睇時間唔好？」、「無差電就連時間都睇唔到喎」、「買呢隻Watch嘅人一定係無腦，同埋懶型」。

2.MagSafe外置充電器

Apple 推出的MagSafe外置充電器，以專利磁吸式無線充電技術，在iPhone機背磁吸式外接電池，可以當做無線行動電源使用，雖然MagSafe外置充電器看似方便，不過有唔少用家實測後都吐槽MagSafe缺點多多，包括容量極少、充電慢等，網友指原裝MagSafe電池連一半的iPhone 14 Pro也充不到，更有網民試過接駁著Magsafe電池一直充電，但耗電速度大於充電速度，令手機電量由50%跌至10%，根本叉唔到電，直指產品是「智商稅垃圾」。

3.AirTag藍牙追蹤器

同樣由Apple推出的AirTag（藍牙追蹤器）售價約$239，而產品主要是為物件定位，只要將AirTag扣在物件上，便可尋找失物，如鑰匙等，不過有網友認為AirTag的功能多餘「貴重嘢唔跟身，反而周圍擺， 仲要驚唔知自己擺咗喺邊而買粒airtag追蹤位置」、「重點應該係袋喺穩陣嘅位，而唔係買舊嘢等佢唔見易搵啲，治標不治本。」有曾入手的大頭蝦網友，發現日常生活甚少用得上AirTag，亦有網友指搵唔到鑰匙已經很焦急，再加AirTag損失可能仲大。

4.PS5遊戲機

PS5推出市場已有兩年，早期因為貨源短缺，曾出現一機難求的情況，故一直有價有市。而PS5最大吸引力是PlayStation自家獨佔的遊戲大作，如《地平線》、《秘境探險》、《生化危機8》、《GT 7》等話題作，是PS5市場致勝之道，不過PS5最大問題是不夠靈活性，而現今的都市人生活節奏急促，除非可以長時間在客廳打開主機及電視打機，否則PS5遊戲機很快便會變成裝飾品。

5.Kindle電子書

Kindle電子書早年曾經風靡一時，用家可以透過Kindle閱讀大量的書籍，而Kindle最大的賣點是「墨水屏幕」，以近似紙質書頁的質感，主打慳電同比較護眼，不過Kindle的中文繁體書庫少得可憐，隨住替代產品愈來愈多，加上大家對電子書的熱情已減退，Kindle的使用度已大大減底。

6.任天堂Switch遊戲機

相信唔少人都入手了Switch遊戲機，早期的派對遊戲如《Just Dance》或《Mario Party》，或疫情期間推出的 Ringfit Adventure《健身環大冒險》、「動物森友會系列」等，更是令Switch熱賣，不過唔少人吐槽Switch 手掣「Joy Con」完全沒按人體工學設計，手掣更是經常壞，如果要修理或購買全新的手柄，原廠的又太貴了，變相失去興趣玩，最後變成放在櫃桶內封印。不少人直言市面上的掌機功能愈做愈出色，不一定要入手Switch。