網民熱議7大最值得買電子產品！降噪耳機反映科技進步 呢部可令家庭和睦？

網民熱議最值得買電子產品 降噪耳機反映科技進步 呢部可令家庭和睦？

1.Smart Watch智能手錶

有唔少網民認為Smart Watch智能手錶值得入手，現時推出的Smart Watch可以計算使用者的心率、步數、體溫等身體狀況，有網民指因手錶內提示的health goal而郁動多了，亦有網民指因透過Smart Watch才知道自己有嚴重鼻鼾聲，稱「戴住瞓教先知自己打鼻鼾好嚴重，之後買咗個新枕頭雖然都係好返少少，但起身真係舒爽咗好多」，不少人表示在戶外運動佩戴可以計速率，認為好實用。

有用開Apple Watch的網民表示跑步時特別好用又方便，「跑步時連耳機，手機唔需要跟身，有人打電話嚟 唔會miss」、「我係買咗apple watch先開始跑步」。

2.無線降噪耳機

自從無線降噪耳機出現後，尤其最多人使用的AirPods Pro，不少人都對於它可減輕外界噪音的功能非常滿意，有網民激讚無線降噪耳機是近年最能反映到科技進步的電子產品，有人更指佩戴降噪藍牙耳機令「成個世界清靜晒」。

3. 頭戴式耳機

除了無線耳機外，網民還力推頭戴式耳機，大讚其音質好，「啲聲靚n倍喎」、「有埋分音、低音」。不過有網民就表示體積比起無線耳機較為笨重，「買完唔會用，又重，用3個鐘已經夾到耳仔痛」，但有人反駁指「好處係冇咁易跌」。

4.洗碗機

如果問大家最討嚴的家務，應該有唔少主婦都投洗碗一票，因日常生活三餐都要洗，仲未計煲、鑊等大件廚具，而且冬天水又凍，相信唔少人都曾經為洗碗問題而同另一伴嘈交，故網民認為洗碗機可以提升生活水平及令夫妻關係和諧、家庭和睦。

5.電動牙刷

有唔少人認為電動牙刷效率好過人手刷，能提升生活品質，有網友稱可以電動可刷得更乾淨「刷到貼住牙肉嘅位，同埋可能因為慳咗力，會肯認真刷埋入面啲牙」。

6.掃地機械人

香港人講究效率，唔少人都捨得花錢購買可以改善家局環境的電子產品，除了吸塵機，近年結合掃地與拖地功能的掃地機械人吸引唔少人入手，因不用人手拖地，只需一鍵按下掃地機械人便會自動走勻家中各個角落清潔家居，非常方便。

7. iPad

iPad體積細小，攜帶方便，加上功能齊全，媲美手提電腦，有網民指「自從買了iPad，冇再開過電腦」、「細細部，煲劇好方便」。

資料來源：連登討論區