新抱開雪櫃驚見老爺藏「啡色液體」！神邏輯解釋冷藏原因令人崩潰｜網絡熱話
廣告
雪櫃正常就用嚟放食物保持新鮮，有時女士們都會用嚟放下面膜、護膚品等，但當有日打開雪櫃，見到可疑物品時，你又驚唔驚？有位女網友於討論區出post，表示喺家中雪櫃發現一個裝着啡色物體的膠樽，「拎咗上手望先知係大便」，細問下老爺解釋冷藏原因，令她十分崩潰！
打開雪櫃驚見「啡色液體」揭是老爺大便
事主在香港討論區出post，表示有日在家打開雪櫃，見到有個膠樽裝藉啡色物體，已相當崩潰，當下未知可疑物品是甚麼，「拎咗上手望先知係大便」，後來追問老公先知道是老爺身體檢查用來化驗的大便，他為了保存「新鮮」，就放入雪櫃，「仲要冇用個袋裝住！」，令事主相當無言！
神邏輯老爺：驚大便會變壞！
女事主指事後曾隱晦地問老爺，對方卻答她「驚啲大便放喺出面會變壞！」，更表明已用紙抹乾淨，明顯不認為自己行為有問題，事主一時難以應對，只能硬食，「佢都講到咁，我點覆佢好喎..」，但考慮到日後衛生問題，選擇出post詢問網友們意見。
網民大呼噁心：隔住個mon都聞到臭味
大部分網民都認為老爺行為相當噁心，表示「隔住個mon都聞到臭味」、「個雪櫃消咗毒都唔要得了」，有mean爆網民即笑問事主當晚餸菜有沒有蝦醬通菜，亦有人理性分析，認為老人家心中這個行為可能十分正常，調轉事主父母亦可能這樣做。也有機智的網民提醒這位新抱，要小心埋屋企個微波爐，以防第二日老爺去檢查前把大便翻熱，好醒啊！
資料來源：香港討論區
圖片來源：香港討論區截圖、TVB《愛．回家之開心速遞》截圖、TVB《香港愛情故事》截圖資料或影片來源：香港討論區截圖
