廢老公33°C帶1歲阿囡行山後中暑中招！港媽下定決心離婚卻天意弄人｜網絡熱話

高齡媽媽怨產後老公態度大變

有自稱新手高齡產婦的媽媽在Facebook群組「生仔要考牌系列」出post，直指覺得去年生了女兒後，老公態度大變，更多次傷她心。她指自己因為肥胖和湊女總是很疲累，但老公卻會常常在街外呼喝她，令她覺得自己是一個「阿四」。

樓主指自己幾個月前因為精神休息不足和壓力爆煲，長期沒得到有質素的休息，因此她老公便提出晚上幫忙照顧女兒，雖然那一個月樓主終於能安心睡覺，但後續並不是她幻想的美好，老公因為這份「工作」，開始出現態度上的變化，覺得樓主對他的體貼是「老奉」，完全失去以前對太太的愛護。

老公33°C強行帶阿囡行山

觸發點在七月，33°C下樓主一家人到南丫島，她們行山行到三分一，女兒便開始大喊，而樓主老公卻責怪樓主身體太熱，又一直抱著阿囡搞到她不舒服，於是在沒擔遮下，樓主老公帶阿囡一路上山，樓主中途表示「我唔想再行」，他卻說「仲有一半，可以返回或者行埋去」。

雖然當時阿囡已有中暑跡象，但樓主為了討好老公，只能迎合，樓主表示整個行山過程，老公的眼神表達出「你好無用，咁都跟唔到」，從前的溫柔再也不見，「以前嘅我唔會咁委屈對住一個男人，但係我而家好似變咗怨婦咁樣，係咁諗自己老公嘅不是。」

事後阿囡中暑又確診 下定決心離婚

返到屋企後，阿囡真係中暑，發燒不退，樓主內疚同埋自責湧上心頭，久久不能平伏，忍不住問老公「點解你覺得我哋可以行到落去？」 ，老公卻懶懶閑「對我來講行一個鐘頭嘅山根本唔係啲咩大事」，當刻樓主終於醒覺，「我知道佢嘅同理心已經唔再給予佢老婆，甚至乎一個唔夠一歲嘅BB仔都唔配擁有。」

壞事多磨，到了第二日幫阿囡做檢測，卻發現確診，那一刻樓主極傷心，認為是她們害女兒生病，她對這個男人已經好失望，更應承自己要好好照顧個女。

想離婚卻發現懷第二胎

可惜天意弄人，在樓主決定離婚，以後獨力湊囡，不再受這個男人氣時，她發現自己又懷孕，知道結果後，她們兩人全無喜悅的心，樓主老公更不停咁話「冇可能……冇可能……我哋有咗個女之後都係行咗幾次，仲要有做避孕措施。」

醫生檢查後發現已懷有四個月，樓主十分震驚「自從照顧個女之後，我放低晒所有工作，連自己個身子有冇好好照顧都冇理到。」她指這幾個月檢，只是覺得胃不舒服，也沒理會月經有否準時到來，以為沒來是因為餵奶。但醫生指胎兒已經太大，不建議落胎。

而另一重點來了，向來是樓主主力賺錢，如果要湊兩個女，自己沒法再上班（編輯睇到呢度都不禁問，佢老公係負責做咩呢？），但去到呢一個週數要落咗佢，樓主又會十分傷心亦傷身，令她非常糾結，害怕自己精神或者體力也崩潰。

網民心痛：成篇野我覺得係灰色！

網民睇完分享，都大呼心痛，紛紛叫樓主無需看老公面色，顧好自己和小朋友才最重要，亦有人擔心樓主有心理問題，建議她求醫。有網民認為與其想生不生，不如先搞好夫妻關係，亦有人建議樓主落仔，不然一個人很難支撐。

資料來源：生仔要考牌系列