阿伯多次伸手腳阻列車閂門 網民：「上班族畀你玩死！」| 網絡熱話
廣告
返工返學最忌遲到，阻人返工返學就更加令人發指，近日就有人疑刻意累到列車延誤1分鐘，學生同上班族都畀佢「玩死」啊！
撰文：Evita | 圖片：YouTube截圖
阿伯多次伸手腳阻列車閂門
近日有網民喺Twitter上載影片，片中見到位於名古屋東山線嘅列車逼滿人，有一名手持白色膠袋、著灰色外套戴黑色帽嘅伯伯企喺近門位置，並不斷伸手故意令車門閂唔到。
後來有鐵路職員上前勸阻，並輕輕推伯伯入車廂，可惜伯伯依然伸手擋門。由於車門有感應器，所以車門會自動打開。
之後企喺伯伯後面嘅一位身穿淺紫色T恤嘅後生仔將伯伯拉後，伯伯隨即出腳阻擋車門，最後車門開關8次先成功閂到。
網民就鬧爆伯伯行為過分，妨礙業務之餘又令人討厭，去片！
