關智斌 係邊個?!?! Kenny 新Look復出香港娛圈
關智斌 新Look似碧咸
今次新歌嘅宣傳照見到，Kenny同我哋停留係N年前嘅形象好唔同，留鬚之餘仲重新打造一個好man嘅形象。有人讚佢型咗man咗，另一邊廂亦有人話「認唔出係佢」。對於Kenny新形象，嗰個髮型、嗰啲鬚、嗰個look，第一眼睇已經覺得好面善。絞盡腦汁之後發現，我見過！我真係見過！不過，有點距離⋯⋯
首新歌《次要角色》主要係想講人生去到30多歲，經歷了很多事情，自己再不是初出茅廬橫衝直撞的小伙子，是時候融會過去的經歷，重新調整自己。無論係歌同佢個look，睇嚟Kenny希望塑造一個理想角色，向人生另一章出發。Kenny打算用三首歌，同大家分享自己的過去、現在和將來，而《次要角色》就係主述過去。
但對於Kenny嘅過去，Boy’z時代嘅歌先真正代表到！
關智斌 Kenny Kwan《次要角色》Lyrics MV
關智斌喺香港星途一直浮浮沈沈，8年前點解突然消失於樂壇，有報道指係因為公司無budget，至於突然再出新曲，竟然係因為拍劇期間有空檔。
其實Kenny喺香港消失咗咁多年，原來係返咗大陸拍劇搵人仔。北上發展嘅關智斌，喺內地人氣都唔差，微博有過百萬粉絲，相比起Facebook Fan Page就只有2000幾個likes。
Kenny出新歌Fans非常興奮，但大家更期待嘅係Boy’z推出合唱歌。雖然Boy’z在官方上仍未宣布解散，但自2012年後二人已經分道揚鑣。Kenny就已轉往大陸發展，而張致恆(Steven)就簽咗TVB做旗下藝員。
Boy’z貌合神離，Steven有佢嘅生活，Kenny有佢嘅忙碌。要佢哋短時間內推出新合唱歌似乎機會渺茫。宜家就為大家經典回播，送上Boy’z同Twins合唱嘅《死性不改》畀大家懷愐下，順便喚醒返Kenny之前個青靚白淨嘅look同十年如一日嘅歌聲。
延伸閱讀：
