長洲畢業營偷雞夜遊撞猛鬼 成晚遇連環不幸事件！勁驚嚇紅女鬼＋浴室不明手掌印 網民：有手掌印可能因為… ｜玩樂熱話

長洲偷雞夜遊探險 點知連環撞鬼

Facebook群組中不少都有朋友分享撞鬼經歷。最近「巴打絲打11鬼故台」就有人發文，講自己小學時畢業營學校決定去長洲。因為當時樓主和同班朋友住的營在山上面，而他們年紀細未知驚，決定在夜晚趁住老師不發現，偷雞走出去夜遊探險，點知就出事。

樓主指，當時長洲營地夜晚行樓梯時已經好黑，兩邊又有草叢，行在最前的樓主行了好長時間後，都覺得沒有任何特別，就諗住返去。點知一照隔離的草叢時，發現有個人影望住他們。

當時成班小學生將所有電筒都照去一看，見到有個女人正衝向他們，印象中的「她」成身紅色，成班同學見到之後，即刻衝番落山入房鎖門不敢出聲。

長洲看完女鬼之後，原來還有後續。因為有同學話去沖涼，點知他沖完涼出來，成塊面青了，話入面廁所有人在喊。於是樓主和同學就決定成班一齊入廁所啦輪流沖涼壯膽。

當樓主等待望住塊鏡嗰陣。鏡子明明有好多水蒸氣，點知慢慢出現一個手掌印嚇到樓主完全不敢出聲，到自己沖涼時沖得好快就回房。結果成班同學成晚都不敢瞓，不斷搵嘢做，眼光光等天光。

不過有網民睇完樓主的長洲鬼故，決定做花生友，想破解長洲鬼故情節。有網民表示：如果和女朋友在草叢入面傾計，點知遇到班好嘈的細路，最好方法不是避他們，而是衝過去（嚇他們）」

亦有理性分析網民就表示，所謂的長洲鬼故，可能是人為。如果有人用番梘印在手，再印落玻璃，水蒸氣一出一樣會有印，所以都不一定是鬼。