網民激辯：一世住長洲可收50萬肯唔肯！3大原因被彈得一文不值！｜玩樂熱話

網民：「畀50萬你住一世長洲肯唔肯？」
回答超意外 人氣小島竟被彈得一文不值！

長洲向來是港人熱門的旅行地點，島上有水清沙幼的沙灘、又有超多打卡熱點和美食，如大魚蛋、芒果糯米糍、特色cafe等等，令疫情期間不能出埠旅行的港人，紛紛轉戰長洲來個一日遊放鬆下。

早前有網民在討論區發問「畀五十萬你，你可唔可以一世住長洲？」樓主表示可以，但帖文引起不同意見，唔少人都指樓主出手太低，「住長洲唔係問題，問題係畀得太少」、「股票蝕嘅錢都多過50萬」，更有人笑樓主係咪打錯「你係咪想打非洲，50萬長洲東堤小築都買唔到」、「50萬可唔可以住一年長洲，樓主你打錯字？」不過亦有網民指：「住長洲有咩問題？」。

1.出手太低

2.交通問題

部分網民都認為長洲地理位置偏遠，每日要乘坐渡輪往返中環及長洲已需約兩小時，指一年便浪費許多時間及交通費在搭船上，並不值得。亦有網民表示「住長洲有咩問題？」、「快啲畀，即入」。

3. 50萬無樓要租屋都玩唔到幾耐

不過亦有唔少人因「土地問題」稱如果畀多層樓會住，「畀層樓我，我住一世都冇問題」、「畀層樓我，唔收錢都得」、「500萬，加一間三層嘅屋，天台冇漏水就可以」，如果係你又願唔願意收50萬，住長洲一世？