長洲食店疑出租小狗每小時50元？意外引發網民罵戰 無愛心VS貓Cafe咪又一樣 店方最終跪低道歉！網民：但日本真係有得租｜玩樂熱話

長洲食店疑出租狗仔每小時50元？！
意外引發網民罵戰

前離島區議員兼當區居民梁國豪日前在Facebook發文指，收到街坊報料長洲某一食店疑似出租小狗。從該相片可以看到，店舖門口放置了一個紙箱，紙箱內有一綁有狗繩的小狗，而紙箱上更寫有「狗仔時租50/時，免按金」的字樣。莫非以一小時$50就可以「租借小狗」？

長洲食店疑似「租借小狗」事件引起網民熱烈討論，更有市民指已要求義工到場，並通知店主，要求店主把狗帶回家中照顧，否則會收回小狗。而店住當時回覆居民指：「只係玩下」。後來，前離島區議員梁國豪表示，事主已聯絡了他：「知錯有悔意，承諾一定唔會虐畜」。而梁國豪指自己未來六個月會繼續留意小狗情況，向網民報告。

有網民鬧爆事主指其行為完全沒有愛心及責任心，若小狗真的外借了，如何保證安全：「虧佢諗得出，太離譜」、「隻狗是生命不要為錢而賺錢，俾人發現衰咗就話玩吓，成年人做嘢要負返責任唔係講下就算」、「一遇到啲虐待狂，後果不堪設想！」、「佢好明顯唔係真心愛狗，根本無愛心」。

但在其他討論區，則有網民表示外國都有出租動物的例子：「日本有得租，不過要簽晒嘢同畀身份證」。原來，外國已經有「寵物租借」服務出現，讓大家可以嘗試養一養動物，但這項服務爭議性的確較大，大家又有甚麼看法呢？