酒店
酒店

酒店員工爆料住客曾遺漏物品名單! 蜥蜴、神主牌、原隻MARY都未算誇張!

熱話

廣告

有時候去酒店Staycation退房時太緊急,總會遺留一、兩件物品。早前網上有酒店員工討論「住客遺漏物品」,除了充電器、個人物品,有酒店員工見過有神主牌、「原隻MARY」等,不過原來這些都未算最離奇!

酒店員工大爆「住客遺漏物品」

最近有酒店員工在Facebook群組「酒店Secret」,以「最誇張聽過啲客漏左咩係房? 可唔可以執齊野先走」為題開Post討論,引起酒店同業瘋狂留言。

一開Post就引起好多酒店員工留言,似乎真係好多共鳴!
一開Post就引起好多酒店員工留言,似乎真係好多共鳴!(圖片來源:Facebook群組「酒店Secret」)
酒店
(圖片來源:pexels@cottonbro studio)
酒店 Staycation已經成為香港人的假日活動
Staycation已經成為香港人的假日活動(圖片來源:Gabriel Alenius@Unsplash)

1.情趣用品

其中獵奇回應不在少數,有酒店員工爆料曾經見過房間有一大堆情趣用品,包括「一包全新嘅毛毛手扣、繩、皮鞭」,仲有「震震棒」,有部分全新包裝、拆都未拆,真係怕同客人講返會尷尬。

酒店
(圖片來源:pexels@Pixabay)

2.巨型公仔:原隻Mary

亦有酒店員工話見過「原隻MARY」,不過就並非「做CPR個種MARY」,實在一言難盡。

亦有酒店員工話見過「原隻MARY」,不過就並非「做CPR個種MARY」,實在一言難盡。
亦有酒店員工話見過「原隻MARY」,不過就並非「做CPR個種MARY」,實在一言難盡。(圖片來源:TVB《她她她的少女時代》截圖)

3.原汁原味內衣褲

仲有酒店員工話見過有住客漏低女裝底褲。究竟有什麼值得驚奇?原來住客居然將底褲放在夾萬內,而且更未經清洗,原汁原味,實在好恐怖。

酒店 當然不少得假牙、高爭鞋、波鞋等等貼身衣物,連護照、警察委任證等證明文件亦有上榜,不過相對來講比較常見,相信大家都漏唔少。
當然不少得假牙、高爭鞋、波鞋等等貼身衣物,連護照、警察委任證等證明文件亦有上榜,不過相對來講比較常見,相信大家都漏唔少。(圖片來源:Unsplash@stilclassics)

4.嬰兒

最獵奇莫過於,居然有住客遺漏嬰兒。試過有「爸爸媽媽推住架無BB嘅BB車走」,甚至有印度人試過「去到機場先發現唔見咗個仔」,真係相當誇張!

酒店 漏低嬰兒之餘,仲有住客試過漏低幼稚園書包連功課手冊,三個月都未有回去攞返,莫非已經休學唔再讀書?
漏低嬰兒之餘,仲有住客試過漏低幼稚園書包連功課手冊,三個月都未有回去攞返,莫非已經休學唔再讀書?(圖片來源:Unsplash@jasonsung)

5.神主牌+骨灰

其實漏低物品真係層出不窮。有住客漏低活生生的蛇及蜥蜴、魚缸,甚至神主牌和骨灰,真係相當大不敬!

酒店 漏低神主牌和骨灰未算大問題,不記得拿回來才大問題!
漏低神主牌和骨灰未算大問題,不記得拿回來才大問題!(圖片來源:淘寶)

亦有酒店員工詼諧粉飾悲劇,話試過見到有人「漏低咗個肉身,靈魂走咗,唔識返嚟攞,要call白車」,可謂去酒店最慘的遭遇。

撰文:CY|原文刊於:GOtrip|資料來源:Facebook群組「酒店Secret」

圖片來源:Facebook群組「酒店Secret」、Gabriel Alenius@Unsplash、TVB《她她她的少女時代》截圖、Unsplash@stilclassics、Unsplash@jasonsung、pexels@Pixabay