酒店
酒店

入住荃灣某酒店疑撞鬼 網民:鬼壓床、朋友Feel到有靈體

熱話

廣告

早前有網民指,自己與朋友入住一間荃灣酒店,不題半夜突然被鬼壓床,廁所更突然瘋狂沖水。除了聽到「鬼食泥咁款」的聲音,朋友都見到房內有靈體,整個過程真係相當嚇人!網民即刻留言狂估究竟是邊間酒店咁邪!究竟發生甚麼事呢?

撰文:CY|圖片來源:unsplash、香港討論區、《愛回家之開心速遞》|原文刊於:GOtrip

網民去荃灣酒店過夜撞鬼 鬼壓床仲睇見有靈體 留言狂估邊間酒店

早前,有網民於香港討論區以「去荃灣某酒店staycation撞鬼 被鬼責 廁所水自動沖」為題,發文分享日前酒店入住經歷,指自己與2位朋友入住一間荃灣酒店打算玩兩日一夜,結果卻變成驚魂夜,真係相當嚇人!

事主形容房間有落地玻璃,可以望海景,似乎裝修相當豪華!(示意圖)(圖片來源:Unsplash@paulpostema)
事主形容房間有落地玻璃,可以望海景,似乎裝修相當豪華(示意圖)!(圖片來源:unsplash@paulpostema)

事主分享,自己剛入房間已經感到房間有異常。「一入到房冇耐我已經耳鳴 ,然後有少少頭赤赤,以為自己感親,都冇咩理。」然而,在深夜時分,在事主快將入睡時,他突然感到有「人」在房間內不斷行走。「然後feel到有嘢壓落我身體,我完全郁唔到。」事主稱,當時自己半邊身麻痹接近5分鐘,想叫都叫唔到!

之後廁所更傳來恐怖聲響,事主嚇到徹夜難眠!(示意圖)(圖片來源:Unsplash@urbanoreganics)
之後廁所更傳來恐怖聲響,事主嚇到徹夜難眠(示意圖)!(圖片來源:unsplash@urbanoreganics)

然而,事件仍然未告一段落。事主話被鬼壓的同時,忽然聽到廁所傳來沖水聲。「望一望個鐘,5點3,身邊兩個朋友仍然瞓到豬頭咁。」嚇到事主即刻用被蓋住個頭等天光。「之後我都唔敢再瞓番。」直到離開酒店,樓主向身邊友人分享經歷,友人才透露其實一早已經感覺有古怪。「Feel到間房有一大一細嘅靈體,不過佢哋只係好奇冇惡意,話我因為時運低先咁喎!」

事主話酒店位於荃灣。(圖片來源:Wikipedia@WiNG)
事主話酒店位於荃灣。(圖片來源:Wikipedia@WiNG)

究竟邊間酒店咁猛鬼?除了在標題透露酒店位於荃灣,事主更畀足線索,話:「間酒店超高,房間用色好暗。」「冇記錯係分咗兩座,一座矮一座高。」加上荃灣酒店其實並不算多,各位網民好踴躍回覆猜測酒店名稱。雖然事主直到最後都未有透露酒店名稱,不過似乎仍然無法撲滅網民們的熱情,依然估得相當熱烈。大家又覺得是哪一間酒店呢?

精彩網民留言

網民笑鬼故流出後可以搞靈探Staycation,一定好旺場!(圖片來源:香港討論區)
網民笑鬼古流出後,可以搞靈探Staycation,一定好旺場!(圖片來源:香港討論區)
究竟係邊一間酒店?事主狂畀Tips,網民就瘋狂估!(圖片來源:香港討論區)
究竟係邊一間酒店?事主狂畀tips,網民就瘋狂估!(圖片來源:香港討論區)
有網民就話依間酒店出晒名邪,成日會撞鬼!(圖片來源:香港討論區)
有網民就話呢間酒店出晒名邪,成日會撞鬼!(圖片來源:香港討論區)
依間酒店真係咁邪?網民似乎估到酒店名,更大爆同集團位於港島的酒店都一樣咁猛鬼!(圖片來源:香港討論區)
呢間酒店真係咁邪?網民似乎估到酒店名,更大爆同集團位於港島的酒店都一樣咁猛鬼!(圖片來源:香港討論區)
仲有網民Keep住留言,話間酒店出名好猛鬼!(圖片來源:香港討論區)
仲有網民keep住留言,話間酒店出名好猛鬼!(圖片來源:香港討論區)

 

資料來源:香港討論區「去荃灣某酒店staycation撞鬼 被鬼責 廁所水自動沖」

網民原文

唔開名唔出相,不過我畀少少tips大家都一定知
我諗大家都估到啦

上星期就同2個朋友去左玩兩日一夜
因為間酒店其實係氹氹圈設計
所以冇所謂尾房,不過酒店當日就安排左Corner房畀我地
大啲仲有一個好大嘅落地玻璃,景好靚
但係一入到房冇耐我已經耳鳴,然後有少少頭赤赤
以為自己感襯,都冇咩理

我地個晚玩到3點幾大家就瞓教,兩位朋友好快就瞓著
反而我就瞓唔到,而且成日FEEL到好似有「人」喺間房行黎行去
喺我差唔多瞓著,半夢半醒之際我忽然一邊身麻痺咗

然後FEEL到有嘢壓落我身體,我完全郁唔到,耳仔聽到好多人講野
啲聲係鬼食泥咁款「errr….. wa…..」,但個陣我完全郁唔到
想叫又叫唔到,都維持咗呢個狀態起碼5分鐘
忽然間,個廁所沖水啲沖水聲令我成個人醒左
望一望個鐘,5點3,身邊兩個朋友仍然訓到豬頭
究竟係邊個沖廁所?但我肯定冇聽錯
因為沖完廁所,係會有半分鐘至一分鐘嘅去水聲
之後我都唔敢再瞓返,用被蓋住個頭等天光
Check out 同朋友講返呢件事個陣
其中一個朋友話其實佢FEEL到間房有一大一細嘅靈體
不過佢哋只係好奇冇惡意,話我因為時運差先咁喎

如果住酒店時出現奇怪事件,都咪話唔驚!(圖片來源:《愛回家之開心速遞》)
如果住酒店時出現奇怪事件,都咪話唔驚!(圖片來源:《愛回家之開心速遞》)

關鍵詞
香港酒店