港媽VS港爸運動舖大戰 全因小朋友「試」踩單車唔肯走 ｜玩樂熱話

港媽VS港爸運動舖大戰！小朋友「試」踩單車唔肯走
網友：成班怪獸家長當正係遊樂場放班小魔怪風

該名港媽稱帶同囝囝到某間大型運動用品舖，店舖可以提供運動用品試用，包括單車、Scooter等，該港媽進店後，看到一名小朋友在「試」單車，然而不見其家長在附近，她稱當時有數名小朋友在等候，決定找來小朋友的家長溝通，希望可以讓他們試踩幾個圈。她指等了約30分鐘才看到該名小朋友的家長，等多大約10分鐘，該港媽稱與另一個媽媽A認為不能再等，終決定走向該對父母。

新假期編輯部

當時另一家長媽媽A表示希望想試吓部單車⋯⋯，話口未完已被小朋友的爸爸打斷，「得㗎喇，重有兩個圈」，媽媽A指已等了很久，該港爸爆Seed稱：「我控制唔到我個仔玩幾耐㗎，唔通你要玩，我就要個仔即刻畀你」，事主及媽媽A再加上港爸，你一言我一語，充滿火藥味！

媽媽A認為店內是提供試車唔係玩，而投稿的港媽質疑自己個仔都控制唔到？而該港爸重複「我個仔咁玩係冇問題」，並大罵投稿的港媽「我真係覺得你個仔好慘，希望佢大個唔會似你」。正當三人吵得面紅耳赤之際，霸佔單車的小朋友媽媽終於喊停細路，並向兩位媽媽道歉。而最後結局，媽媽A即場買了單車，投稿的港媽稱因小朋友未儲夠獎勵，所以未買。

網民：你唔係買又試？你自己都話呢度唔係玩係畀人試

帖文一出隨即引起網民熱議，有人認為投稿的媽媽非常有耐性，「等40分鐘都唔揾職員，真係好耐性」、「等40分鐘搵唔到大人，我會直接問個小朋友囉」，亦有人認為霸佔單車的小孩已經試踩一段長時間，但其父母任由他繼續，是家教同自律問題，稱「睇嚟唔係個小朋友有事，係佢老豆有事」。而故事最後，投稿的媽媽稱因小朋友未儲夠獎勵而無買，有人留言罵她：「你唔係買又試？你自己都話呢度唔係玩係畀人試，個男人講得啱，你個仔真係好可憐。」帖文引起網民熱烈討論，大家又認為誰是誰非？

資料來源：Facebook@生仔要考牌系列授權