迪士尼
迪士尼

港媽入迪士尼餐廳等位被打尖 嬲爆大鬧對方用靈魂嚟霸位:人無恥果然係無敵

熱話

廣告

入迪士尼玩最緊要開心,不過最近有網民帶小朋人去迪士尼餐廳食飯等位時,因為冇位要自己搵位,事主終於等到前一檯的人準備走之時,後面突然有一名男人走上前表示自己都等緊同一張檯,結果二人因爭位而引起罵戰,事主大呻超無奈,「原來已經進展到可以用靈魂嚟霸位」。

港媽入迪士尼餐廳等位引起罵戰

有網民在Facebook「生仔要考牌系列」發文,事主最近在迪士尼的餐廳食飯等位時,終於等到前一檯的人準備走之時,後面突然有一名男人走上前表示自己都等緊同一張檯。對方指「呢張檯我都係等緊㗎」,事主出聲爭取,但對方卻說「我帶住小朋友喺呢個area已經等咗九個字,所以呢張檯係我嘅」。

迪士尼 港媽入迪士尼餐廳等位引起罵戰
港媽入迪士尼餐廳等位引起罵戰(圖片來源:新假期編輯部)
迪士尼
(圖片來源:Anson Kong官方Youtube截圖)

大鬧對方用靈魂霸位

事主大呻超無奈,「我真係而家先知原來已經進展到可以用靈魂嚟霸位,最後我好無奈,因為自己嘅長輩話今日嚟玩唔好同人嘈」。最後事主將檯讓出,「唔知呢條友係咪個靈魂有殘缺,咁都要等九個字先搲到張檯返嚟,人無恥果然係無敵」。

迪士尼
(圖片來源:Disneyland)
迪士尼
(圖片來源:《靈魂奇遇記》劇照)

網民批評迪士尼餐廳無效率

有網民覺得迪士尼的餐廳安排好差, 等位、排隊、取餐等都好無效率,「所以我決定唔再去迪士尼,又或者買飯團入去食就算, 唔好勞氣」、「好多男人都好老土,等位好興企一個位但附近全部都係佢等緊,food court見唔少」。有網民建議樓主去酒店食差唔多價錢仲舒服,「根本迪士尼冇準備咁多人食嘢,反觀海洋公園最近去,多咗好多食店,價錢都平過迪士尼」。

迪士尼 有網民覺得迪士尼的餐廳安排好差, 等位、排隊、取餐等都好無效率。
有網民覺得迪士尼的餐廳安排好差, 等位、排隊、取餐等都好無效率。(圖片來源:Facebook@生仔要考牌系列)
迪士尼 有網民建議樓主去酒店食差唔多價錢仲舒服。
有網民建議樓主去酒店食差唔多價錢仲舒服。(圖片來源:Facebook@生仔要考牌系列)

網民:人無恥果然係無敵

有網民指之前都試過同樣情況,「好X憎呢啲人,你話你等緊又唔早講,到有位就走嚟話等緊,然後我一早企喺個位成三個字,都冇人走嚟出聲話佢等緊」。另有網民食花生留言,大讚樓主以「用靈魂嚟霸位」好正,「呢句嘢真係好正好到point,直頭可以納入今年潮語」、「其實如果佢話,唔好意思,我同小朋友等咗好耐,小朋友好肚餓,唔知可唔可以讓比我哋,我食完好快可以比返你你,我會讓畀佢」。

迪士尼 有網民食花生留言,大讚樓主以「用靈魂嚟霸位」好正。
有網民食花生留言,大讚樓主以「用靈魂嚟霸位」好正。(圖片來源:Facebook@生仔要考牌系列)

網民反鬧事主懶好人!

「你咁好人,我都會要你個位啦」、「咁都係人地早等過妳」、「你自己吾同人嘈,怪邊個? 比我吾會讓,話之佢用寃鬼黎排隊。我自己最少吾會氣頂到出post」。

迪士尼
(圖片來源:香港迪士尼樂園官方Youtube截圖)

原文截圖:

迪士尼
(圖片來源:Facebook@生仔要考牌系列)

資料來源:Facebook@生仔要考牌系列授權

圖片來源:Facebook@生仔要考牌系列、Disneyland、《愛.回家之開心速遞》劇照、新假期編輯部、