迪士尼
迪士尼

連登仔呻家長帶小朋友去迪士尼好無益 怒轟:根本唔識教仔 !|玩樂熱話

熱話

廣告

最近有網民在討論區發文,指責一班唔識教子女的父母,經常帶小朋友去迪士尼樂園,根本是完全無營養的活動。樓主表示有家長經常帶小朋友去迪士尼樂園,「講緊一個星期差唔多去足7日,就好像落公園玩咁casual,呢啲完全是老豆老母完全唔識教仔的行為!」。

連登仔呻帶小朋友去迪士尼好無益

樓主覺得父母應該要用心培養小朋友,例如去海洋公園睇魚、去認識大自然,或者學烹飪、書法等的親子活動,好過去迪士尼,「不過好可惜,現代父母都是無乜學識,又無文化,港女港男本身拍拖就是消費再消費,所以同仔女出街,一樣都是消費再消費,完全浪費時間」。

迪士尼
(圖片來源:連登截圖)
迪士尼
(圖片來源:hongkongdisneyland)

網民:多樣化娛樂都好重要

有網民認同樓主,覺得去迪士尼只是純娛樂用途,「去到啲表演設施差唔多次次一樣,倒不如多樣化小朋友嘅經歷仲實際」、「如果一星期咁多日都去,的確太多」、「我有細路,我認同,你應該講清楚少少,重點唔係唔可以去迪士尼,而係剩係識去迪士尼,多樣化娛樂都好重要,同埋小朋友其實應該玩更加多要身體郁動嘅嘢,不過香港啲家長一來懶得諗活動,二來又懶得貼身睇實個細路,三來又乜都驚一餐,外國好多細路走去公園爬樹嗰啲,香港家長實話危險污糟又乜又物」。

迪士尼
(圖片來源:連登截圖)
迪士尼
(圖片來源:hongkongdisneyland)

去迪士尼等於細個落公園

有網民不認同樓主,覺得現今的家長帶小朋友去迪士尼玩,其實與小時候去公園玩是一樣,「小朋友玩咪玩囉,對小朋友呢個階段嚟講,任何生活體驗都可以係有益,即使本身嘅purpose唔係學習」、「去玩都唔得,去迪士尼咪等於你細個落公園,你細個你老母唔比你落公園玩?」、「人地屋企有錢,日日去關你X事,迪士尼根本是完全『無營養』,你無得去呃自己姐」。

迪士尼
(圖片來源:連登截圖)

網民諷刺樓主是窮人

有網民諷刺樓主,只有窮人先會覺得去玩等於無營養,「放狗咁放啫,你有養狗嘅話,帶隻狗落街散步放電,想幾有營養」、「自己生件BB實踐下自己嘅理念先啦」、「去玩想有咩營養,日日都要學嘢咩」。

迪士尼
(圖片來源:連登截圖)
迪士尼
(圖片來源:連登截圖)

謝安琪、孫慧雪、陳茵媺等明星無故中槍 被網民助長歪風!

有不少家長都會帶子女去迪士尼玩,一眾明星也不例外,其中謝安琪、孫慧雪、陳茵媺等藝人更是迪士尼忠粉,他們是次都無故中槍,網民批評他們作為公眾人物經常貼出去樂園玩樂的照片,狠批此行為助長歪風。

迪士尼 孫慧雪
孫慧雪(圖片來源:ig@snow711)
迪士尼 謝安琪與仔仔
謝安琪與仔仔(圖片來源:ig@kaytse)

家長列3大點反駁!

此帖引來極大迴響,一眾家長亦大表憤怒,「人哋有錢日日去關係Q事咩?」、「請問點為之有營養活動?教小朋友唔係返工,係無放工呢回事,全家去玩下輕鬆下又有問題?」 。同時更列出3大點反駁樓主,指迪士尼一來可以學英文,「入去睇英文騷唔得?晝室學畫畫,仲有泰山船全程英文」、「對小朋友嚟講,隨處都可以有嘢學,唔通學法文就一定要掟去法國咩?」 ,二來可以學社交、學溝通,係一個好好的學習好去處, 「又可以同陌生人互動溝通」、「迪士尼唔係淨係得公主王子,好多電影教小朋友勇敢,好多正面訊息」,三來可以為小朋友的童年增加寶貴的回憶,「唔通日日補習,到時又話冇童年」 、「迪士尼係細個去先會有feel」、「可以享受family day」。

迪士尼
(圖片來源:迪士尼樂園)

資料來源:連登討論區

圖片來源:連登截圖、hongkongdisneyland、ig@kaytse、ig@snow711