迪士尼
迪士尼

香港迪士尼樂園經常有小偷!偷衫+偷BB車 網民提醒:必買一件神器保平安

熱話

廣告

香港迪士尼終於喺4月21日重開,對家長嚟講實在係一個好消息,因為冇嘢比同隻馬騮喺屋企困獸鬥更加慘無人道嘅事(好似係)。但大家有冇諗過係迪士尼遊樂設施出嚟嘅時候,發現部BB車連所有家當都會唔見晒?日前就有網民分享,好多朋友喺樂園被順手牽羊,BB車更加是熱門目標,甚至連外套、奶粉、尿片等都一齊唔見埋,網民指如果唔想呢啲事發生係自己身上,咁就必買一件神器!

香港迪士尼樂園經常有小偷?偷衫+連BB車都偷!

早日於「迪士尼 買賣 交換 分享 Disney’s Sharing Platform」群組,有人好心提醒各位想帶小朋友入迪士尼樂園玩嘅家長,諗下有冇需要帶埋「單車鎖」。因為原來樓主上年聽過好多人嘅BB車喺喺設施外嘅停泊位被推走咗,就咁所有嘢唔見晒,佢自己亦都見過喺「米奇幻想曲」一開場就有人對啲車仔虎視眈眈,於是佢停低全程望實佢,佢先至被迫無奈離開。

迪士尼 去迪士尼做足準備深入民心,看來真的要做足準備!
去迪士尼做足準備深入民心,看來真的要做足準備!(圖片來源:FB@迪士尼 買賣 交換 分享 Disney’s Sharing Platform)
迪士尼 BB車俾人偷咗真係會喊出嚟。
BB車俾人偷咗真係會喊出嚟。(圖片來源:FB@迪士尼 買賣 交換 分享 Disney’s Sharing Platform)
迪士尼 有一部份設施嘅泊車位又真係比較開揚。
有一部份設施嘅泊車位又真係比較開揚。(圖片來源:FB@迪士尼 買賣 交換 分享 Disney’s Sharing Platform)

其實一部靚少少嘅BB車隨時要三、四千蚊,容易引起人嘅貪念,迪士尼樂園嘅職員又無可能全程幫你睇實,所以樓主都提醒大家入去之前貴重嘅物品一定跟身,買咗紀念品嘅話可以叫職員放喺閘外嘅服務中心,到走嗰陣先至拎,再加上如果帶埋個單車鎖,入場前將車鎖起,咁就萬無一失,如果唔見咗BB車,真係影響晒入園嘅心情,玩都玩唔落!

迪士尼 樓主細心貼士。
樓主細心貼士。(圖片來源:FB@迪士尼 買賣 交換 分享 Disney’s Sharing Platform)
迪士尼 網友留言。
網友留言。(圖片來源:FB@迪士尼 買賣 交換 分享 Disney’s Sharing Platform)

網民提醒:必買一件神器保平安

其他網民紛紛獻計,分享自己嘅個人經歷。有人話不如入場租車,但樂園出租車掛唔到重嘢之餘,俾人推走嘅機會仲大,除咗可以用單車鎖將車鎖於欄杆上之外,仲可以用密碼鎖爬山扣將車轆鎖起,要推走都難。其中最特別嘅係有人提議買個AirTag放喺BB車度,咁就算有人推走咗都可以即刻用電話追蹤,無論架車去到邊都一定搵得返,真係安心好多。

迪士尼 網民留言。
網民留言。(圖片來源:FB@迪士尼 買賣 交換 分享 Disney’s Sharing Platform)
迪士尼 爬山扣鎖住個碌一定穩陣。
爬山扣鎖住個碌一定穩陣。(圖片來源:FB@迪士尼 買賣 交換 分享 Disney’s Sharing Platform)

加上AirTag價錢不算太貴,一個只售$239,四個裝$799,買個安心,咁就玩得開心又放心啦!

迪士尼 網民留言。
網民留言。(圖片來源:FB@迪士尼 買賣 交換 分享 Disney’s Sharing Platform)
迪士尼 AirTag備有GPS系統。
AirTag備有GPS系統。(圖片來源:Apple官網)
迪士尼 開啟app即可以追蹤AirTag位置。
開啟app即可以追蹤AirTag位置。(圖片來源:Apple官網)

購買連結:按此

網民指香港迪士尼樂園最近有什麼問題?

網民指不少人都遇到小偷,更曾目擊小偷…詳情

網民推介什麼神器?

網民指只要使用一件神器,即可玩得安心又放心…詳情

圖片來源:FB@迪士尼 買賣 交換 分享 Disney’s Sharing Platform, Apple官網,