迪士尼樂園是男人地獄！ 港男列5大原因大呻攰過返工

港男狂呻迪士尼樂園是男人地獄！
5大原因攰過返工 網民：終於有人講心底話

踏入迪士尼樂園，女生享受成為迪士尼公主，男生卻被逼成為公主的侍從？一位港男在連登討論區上發帖，以5大原因指「迪士尼樂園係男人地獄」，帖子狂吸4,200個正評，獲大量男網民留言表示贊同！

第1大原因. 男生要買雙重門票

入迪士尼樂園當然要買門票啦，樓主表示男士們與女士入園，通常都要承擔對方的門票費用，意味著要「畀雙倍金錢」才可入園。作為參考，官網資料現時一日標準門票價格為$639（普通日子）、$699（特定日子）、$759（特定高峰日子），將金額乘2相信大家也心中有數。

第2大原因. 全包額外使費

如前文提到，男士與女士入園時，想盡顯男子氣魄，又想另一半有成為公主的感覺，自然要全包遊園額外使費，例如食飯、咬下火雞髀、精品店買頭箍和公仔，樣樣都買的時候，其實金額加起來都相當可觀！

第3大原因. 排隊好長長長

迪士尼樂園一向都人氣爆棚，人多自然就要排隊，樓主表示園內所有遊樂設施都需要排很久的隊，直言「排隊排X死，所有嘢都排X死你，夏天去的話，熱到全裸入去玩都唔掂」！買Fastpass也可以，不過又回到上文提到的第2點，要買兩份！

第4大原因. 瘋狂影相打卡

入迪士尼的重點之一是為了打卡影相，園內有不少的漂亮的打卡位，例如城堡、噴水池、遊樂設施、園景等等，樓主坦言樂園是影相地獄，「入面係要同條女瘋狂影相，完全唔知有咩好影，但又要扮enjoy，影得唔好仲要比人X」，惹來不少網民認同！

第5大原因. 行足全日

迪士尼樂園通常買得門票，都會想一天內將設施、景點一次玩完，打算值回票價咁話呀嘛，不過設施與設施之間都有一段距離，景點之間又未必非常接近，導致需要經常來回走來走去，又要排隊等玩遊樂設施，背包又有重量，又有機會要幫女友拿手袋。再者，迪士尼樂園不同時段都有不同的表演，如花車巡遊、城堡煙花匯演等，是真真正正的由朝玩到晚，考驗全天下男人的腳骨力！樓主直言「腳都廢X埋，你入得去，通常要入成日，要玩X到睇埋煙花至走得，咁X長時間行嚟行去，比人坐嘅位又唔多，仲攰X過返工」。

樓主心底話惹萬千港男同感

港男對於樓主盡訴心中情感到十分痛快，對於他的5大經歷似乎頗有同感，但對女伴又敢怒不敢言。網民表示「有人說出心底話，一張年飛去超過15次」、「仲好X悶又逼，但D女又鍾意去」、「真，我個仔三歲，帶佢入迪士尼同海洋公園已經兩種唔同表現，入海洋公園係笑住跳跳下行，去迪士尼係嗌好攰要人抱」、「真係唔知啲女做咩都要影餐死，一個位都影勁耐」、「第四點唔係好正確，係點影都會畀佢X」。不過亦有女生指「呢啲叫幸福！有人畀你影吓」、「有女朋友淨係去香港迪士尼而唔係叫你請去旅行、買包包咪算好」。

此外，網民提出一種暗黑大法，建議樓主為女友購買全年通行證，只要一有時間便入迪士尼樂園，以「去到佢悶、去到佢煩、去到佢厭」為宗旨，日子久了對方始終會感到不想再入場，不過方法就如壯士斷臂，港男們要不要試試就自己衡量了，萬一女友真的入園入到上癮，到時候每年都要續全年證，就只好說聲恭喜了！

原帖連結：按此