返工地點
返工地點

最痛苦返工地點TOP5!返機場都未係最差?返呢一區超痛苦!

網絡熱話

廣告

身為上班一族,找一份人工高福利好的工作是大家的理想,如果可以上班地點近屋企就更加完美!事實上大部分公司都會選擇在人流多的旺區,如觀塘、荔枝角,雖然交通方便,但放工交通搭車就好似玩大屠殺,行慢一點都會被推撞、踩鞋,不過亦有公司會選擇偏遠地區,令打工仔感到十分煩惱,最近便有網民討論香港五大「最痛苦」返工地點,究竟有哪些地區上榜呢?

網民嚴選最痛苦返工地點TOP5
返機場都未係最差?返呢區遲到搭的士都無用

返工地點
網民嚴選最痛苦返工地點TOP5 返機場都未係最差?(圖片來源:新假期編輯部)

5. 數碼港

網民形容數碼港除了景靚之外,便一無是處,指地方偏僻遠到好似去旅行咁,而且無啖好食,無嘢好行。有網民指如果7點放工的話是沒有可能一小時內出返市區。「數碼港肯定係最偏僻,由堅尼地城出發都要有排先兜到入去,而且無嘢好食」,不過網民亦表示「有海景view同埋空氣好」。

返工地點
網民形容數碼港除了景靚之外,便一無是處。(圖片來源:新假期編輯部)

4. 大埔工業邨

有網民指大埔本身已經唔就腳,而大埔工業邨是一個唔就腳的偏遠地區。因為無地鐵接駁,巴士少、小巴班次疏,放飯亦無啖好食,想食好啲就要行20分鐘落富善先有好嘢食,非常之唔就腳,難怪曾被網民稱是「狗也不X的返工地點」。

3. 將軍澳工業邨

而將軍澳工業邨亦被指是孤島,與世隔絕,網民表示在將軍澳工業邨上下班一定要靠公司接駁巴士,交通不方便。「環保大道塞、將軍澳隧道塞、龍翔道、觀塘繞道、屯門公路全部塞」。而且近垃圾堆填區、經常有臭味傳出,同樣是無啖好食,方圓十里都無餐廳,只得員工飯堂,如果想食好少少便要行到日出康城,但都要行15至20分鐘。

返工地點
(圖片來源:網上截圖)

2. 機場

聽到機場9成人都會覺得遠,雖然很多時都可以一程車便到達,不過返得機場預咗要24小時輪班,交通時間又長,車費又貴,仲要無嘢好食。有網民稱做機場三跑更誇張,指如果走了一班船便不用上班或返屋企。

返工地點
(圖片來源:香港國際機場官方網頁)

1. 觀塘

觀塘雖然交通方便,但塞車情況嚴重,經常日夜都塞車,如果遲到搭的士都係無用,因為一樣塞到暈!更有人笑指觀塘返工的塞車時間可以夠讀一個學位。而且因為觀塘人流集中的關係,放飯時間搵位食飯亦有困難,而且空氣差,好天曬落雨淋,有人指一到下班時間觀塘區的打工仔就好似上演真人版的「大遷徙」,人流超密集。

返工地點
(圖片來源:新假期編輯部)
返工地點
網民留言(圖片來源:討論區截圖)

最痛苦返工地點有哪些?

包括數碼港、機場等,第一名係……

怎樣選出最痛苦返工地點?

網民主要從交通、人流及膳食作考慮,即睇排名……

圖片來源:討論區截圖、新假期編輯部、香港國家機場官方網頁