情侶踩單車｜港女孖男友踩單車吵架收場！附新手單車路線推介｜玩樂熱話
廣告
情侶間在放假都會拍拖，行街、睇戲或一起做運動，最近有女網民與男友一起踩單車，她坦言自己平時無做開運動，所以體力比較差，踩單車踩得慢，但因為男友想踩單車所以陪他。不過男友在踩單車過程，完全沒有等女友，女友表示十分生氣，「佢唔等埋我，咁佢不如自己一個人去踩啦！」。
情侶踩單車｜港女陪男友踩單車
最近有網民在香港討論區發文，樓主表示男友之前話想一齊去踩單車，「其實我好少去踩單車，夏天踩單車又怕熱怕曬，所以男朋友就話趁秋天去踩下單車啦」。樓主表示雖然現時天氣仍然好熱好曬，但見男朋友想踩單車，亦打算陪男友一齊踩。
情侶踩單車｜男友只顧踩單車
不過樓主平時無做開運動，所以體力比較差，踩單車踩得慢，「我踩咗無耐又想停喺到抖下，但係男朋友完全唔理我，又唔踩慢啲等我，就算我想同佢講不如等陣抖下啦，但佢已經踩得太遠，完全聽唔到我講咩！佢唔等埋我，咁佢不如自己一個人去踩啦！」。
情侶踩單車｜女友結果發晒脾氣
樓主表示正常與其他人一齊踩單車，都會等埋對方，樓主不解為甚麼男友只顧踩單車，完全無理會她的感受，樓主更詢問一眾網民，如果與朋友踩單車，但對方踩得好慢，大家會唔會等佢？
網民：下次唔會再同佢踩單車，費事再等
網民一面倒表示男友態等埋事主，「如果我帶啲新人去踩車，點慢都等，呢個係責任」、「一定等，呢啲係禮貌來」、「當然會等，不過下次唔會再同佢踩單車，費事再等」、「朋友都應該等下掛，唔係點解要約埋一齊踩單車」。有網民覺得男友不尊重樓主，「坦白講！佢真係一啲都唔細心，佢走得咁前，點會知你後面有冇事發生？例如你中暑、炒車，甩鏈等」、「你男友叫得你去踩佢係有義務照顧你……………特別係你唔踩開單車，所以呢條仔如果唔係必要………….可以飛得！
不少網民紛紛留言，「係咪見妳少做運動想訓練妳啊，始終有運動係健康啲，唔等妳可能係想操fit妳」、「人家要追前面條女」。
網民解畫：踩2人單車就得啦！
有網民就建議事主可與男友租架2人單車一齊踩，二人合作踩，就可避免以上問題！
有情侶踩單車路線推介嗎？
香港有不少情侶假日愛踩單車拍拖，為你推介6條適合新手的單車路線……
圖片來源：香港討論區、TVB《愛回家之開心速遞》、TVB《衝線》
