超市
超市

將超市正價貨換入特價盒被踢爆!師奶發脾氣:「而家人多恰人少啊?」|網絡熱話

熱話

廣告

超市特價貨當然吸引人去買,不過將貴價貨轉入特價盒再買就唔係咁好喇。有網民Facebook群組發文,表示喺超市見到有人將正價桃駁李擺入特價盒,被發現之後仲要聲大夾惡鬧返人轉頭。

撰文:Evita|圖片:新傳媒照片庫、Facebook@將軍澳主場截圖

師奶被踢爆!超市正價貨換入特價盒

有網民表示同老婆、外父去超市買青提子,去到雪櫃前見到有個50幾歲嘅阿姐,同一個網民估計係佢阿媽嘅阿嬸(下稱A客同B客)。網民話見到呢兩個人鬼鬼鼠鼠,而佢同老婆就喺後面等咗2-3分鐘,目睹二人打開特價$18盒,換正價$25桃駁李。

網民老婆:「畀佢地拆完揀完先啦。」

A客隨即大聲話:「你哋想揀提子,我哋咪讓你哋先囉。」

網民:「你哋拆開遂粒揀咁就唔係果盒特價嘅嘢。」

師奶客話網民一行三人恰佢哋兩個。(圖片來源:Pexels@hobi-industri)
網民表示同老婆、外父去超市買青提子,見到有個50幾歲嘅阿姐同佢阿媽鬼鬼鼠鼠。(圖片來源:Pexels@hobi-industri)
網民目睹二人打開特價盒,換正價桃駁李。(圖片來源:Pexels@los-muertos-crew)
網民目睹二人打開特價盒,換正價桃駁李。(圖片來源:Pexels@los-muertos-crew)

惡人先告狀!師奶客大聲話:畀人恰

網民表示A客同B客大聲話畀人恰,又話已經讓咗位畀佢哋揀提子。不過網民叫咗超市職員過嚟並表明事件,之後職員話唔可以咁樣換貨。A、B客就話:「咁咪唔買囉!」然後又再次話網民一行三人恰佢哋兩個。

之後有個七十幾歲嘅阿伯加把口埋黎,不過網民就話佢咩都唔知就唔好出聲,而阿伯行開兩步之後又話:「同女人嘈就唔啱!」

網民叫咗超市職員過嚟並表明事件,之後職員話唔可以咁樣換貨。(圖片來源:Pexels@greta-hoffman)
網民叫咗超市職員過嚟並表明事件,之後職員話唔可以咁樣換貨。(圖片來源:Pexels@greta-hoffman)
師奶客話網民一行三人恰佢哋兩個。(圖片來源:TVB《愛·回家之開心速遞》截圖)
師奶客話網民一行三人恰佢哋兩個。(圖片來源:TVB《愛·回家之開心速遞》截圖)

網民大讚樓主值得尊敬

事件喺Facebook分享後,唔少網民都大讚樓主行為值得尊敬,亦有話佢哋恃老賣老,行為同偷嘢無分別。

網民指師奶客恃老賣老,行為同偷嘢無分別。(圖片來源:Facebook@將軍澳主場截圖)
網民指師奶客恃老賣老,行為同偷嘢無分別。(圖片來源:Facebook@將軍澳主場截圖)
有人建議鎖起產品,付款後才可解鎖。(圖片來源:Facebook@將軍澳主場截圖)
有人建議鎖起產品,付款後才可解鎖。(圖片來源:Facebook@將軍澳主場截圖)

撰文:Evita|圖片:新傳媒照片庫、Facebook@將軍澳主場截圖