親戚飲茶奉旨唔夾錢!後輩唔埋一次單反被鬧:唔識人情世故|網絡熱話
親戚飲茶奉旨唔夾錢!後輩唔埋一次單反被鬧:唔識人情世故|網絡熱話

親戚飲茶奉旨唔夾錢!後輩唔埋一次單反被鬧:唔識人情世故|網絡熱話

熱話

廣告

同親戚飲茶叫返一盅兩件本身係一件開心嘅事,燒賣、牛肉球、鳳爪⋯⋯邊食邊傾計好relax,但係如果每次飲完茶都係你埋單就唔係咁講啦!有位廿幾歲嘅網民喺連登大呻自己親戚無恥,指每次飲茶都好似奉旨要埋單,搞到樓主勁嬲啊!

無恥親戚食飯奉旨唔夾錢!

有網民以「有一種親戚叫無恥」為題,於連登討論區發文,指每一次同親戚飲茶,到結帳的時候個個都只係拍拍屁股就走。而樓主媽媽就為免大家尷尬,總會叫樓主畀錢,但親戚從不會主動夾返錢。樓主表示之前都埋咗八、九次單,心有不忿,因此決定是次食飯不會再埋單!

親戚 每一次同親戚飲茶,到結帳的時候個個都只係拍拍屁股就走。
每一次同親戚飲茶,到結帳的時候個個都只係拍拍屁股就走。(圖片來源:《愛回家》劇照)
飲茶 親戚 樓主阿媽就為免大家尷尬,總會叫樓主畀錢。
樓主阿媽就為免大家尷尬,總會叫樓主畀錢。(圖片來源:《愛回家》劇照)

網民決心唔埋單 直接走人

到咗當日最重要嘅埋單時刻,樓主打算唔畀錢就走,點知有個親戚好大聲咁講⋯⋯

親戚:「你未畀錢呀!」

樓主聽到即刻勁嬲,心諗親戚又係想自己請,所以扮聽唔到就走。

飲茶 親戚 網民今次就決定唔埋單走人!
網民今次就決定唔埋單走人!(圖片來源:《愛回家》劇照)

親戚反罵不懂人情世故

點知班親戚當晚打畀樓主⋯⋯

親戚:「你今日做咩唔畀錢就走咗,你知唔知你咁好無禮貌?我唔理啊你點都要夾返錢,你都咁大個人啦應該要知呢啲人情世故,你知唔知啊,我教精你!」

而樓主就話唔明白點解仲要煩住佢,今次張單唔使一千蚊,之前又唔見班親戚主動話夾返錢,簡直無恥到極啊!

飲茶 親戚 親戚仲要突登打嚟煩住晒!
親戚仲要突登打嚟煩住晒!(圖片來源:《愛回家》劇照)
飲茶 班親戚當晚打畀樓主,鬧佢唔夾錢就走。
班親戚當晚打畀樓主,鬧佢唔夾錢就走。(圖片來源:新傳媒資料室)

有網民就話下次應該「唔好再去」,同時提議樓主應該同親戚講:「上次幾餐你哋好似都未夾返喎。」更加有網民嬲爆,覺得應該要班親戚認做乞衣。

飲茶 網民教樓主要咁樣同返親戚講。
網民教樓主要咁樣同返親戚講。(圖片來源:連登討論區)
飲茶 親戚 網友指通常每家也會一早說清楚。
網友指通常每家也會一早說清楚。(圖片來源:連登討論區)

埋單一次半次無所謂,不過係咪應該公平啲,大家請吓大家,又或者夾錢咪食得開心囉。

親戚 原文
原文(圖片來源:連登討論區)
親戚 原文
原文(圖片來源:連登討論區)

撰文:Pi|圖片:新假期圖片庫、連登討論區、《愛回家》劇照

圖片來源:新假期圖片庫、連登討論區、《愛回家》劇照