小動物
小動物

被700隻兔仔大包圍!日本萌爆小動物之旅(上)

熱話

廣告

人類世界突然多了男神女神兩種分類,形容人見人愛車見車載,難以抗拒的人物。那麼動物界更應該有神級代表,有誰能夠抵擋貓狗天真無邪的萌爆攻勢?不只遠觀,更可以親身接觸,比男神女神更親民,再冷漠無情鐵石心腸的人,都會被 小動物 治癒得心軟貼服。唔使再隔住個mon 狂loop 網上圖片短片,日本各地有大量萌系 小動物 ,就親身去走一轉,感受可愛 小動物 的治癒力吧!

日本治癒地圖
日本治癒地圖

兔島 @ 廣島

治癒度No.1!700隻兔仔天堂島

純情小白兔夠治癒了吧?網上早前瘋傳一名女子被數十隻兔仔包圍的影片,別稱「兔島」的大久野島又再爆紅。上網搜尋發現,兔島位於剛有直航到達的廣島附近,親身到訪後發現萌指數爆燈,被一眾兔兔攻陷,令人無法自拔!大久野島屬瀨戶內海國立公園一部分,由廣島機場前往忠海港碼頭約半小時車程,再駁一程13分鐘的渡輪,就來到這個治癒天堂!
上船之前,在碼頭記得記得記得要買定兔糧,因為島上完全冇得賣,冇糧喺手,兔兔係唔會睬你,非常重要!碼頭附近有一間超市,除了入定自己食的乾糧飲品,亦有不少新鮮蔬菜如甘筍、蘋果等,又有免費菜葉畀你拎入兔島餵兔仔,蔬菜最吸引兔兔,想被兔兔包圍記得自備!兔兔,我來了!

超市將大量免費菜葉放在門口,任人自取來餵兔,好有心!
超市將大量免費菜葉放在門口,任人自取來餵兔,好有心!
輪船有分可載車的大型渡輪或客船,如果行李太多,建議乘坐渡輪,船程一樣13分鐘。
輪船有分可載車的大型渡輪或客船,如果行李太多,建議乘坐渡輪,船程一樣13分鐘。
坐船時不妨讀吓兔島規則,包括不可餵人類食物、避免留下垃圾等。
坐船時不妨讀吓兔島規則,包括不可餵人類食物、避免留下垃圾等。
忠海火車站站牌已經有兔子肖像,未出發先興奮!
忠海火車站站牌已經有兔子肖像,未出發先興奮!
島上冇飼料出售,記得在碼頭買定飼料!
島上冇飼料出售,記得在碼頭買定飼料!
網上瘋傳的圖片中,兔兔將女子狠狠包圍,震撼!
網上瘋傳的圖片中,兔兔將女子狠狠包圍,震撼!

玩兔。日與夜

一落船,已經有萌爆兔仔在碼頭迎賓!沿路都是一大群自由跑動的兔仔,所以島上唯一的車輛旅館接駁車,只能小心翼翼慢行。自然生長的野兔身體算乾淨,不過兔牙及指甲都鋒利,建議穿著有袖衫及長褲以免刮傷。兔仔集中在旅館前方空地,因為多遊人餵飼,吸引兔仔等飯來張口。兔仔唔怕人,一見人就一窩蜂湧過來,又會企起身「請請」,甚至跳在你身上,cute 爆!兔兔其實唔識飽,搶食激烈到打交,又跳起嚇走同伴,或將食物一口搶走逃去無蹤,外表斯文,其實暗裡好蠱惑!
不過識得玩,記得留到天黑!兔子白天休憩,不時見到牠們懶洋洋攤晒喺度,或者匿埋在樹蔭枱底避開陽光,等到天黑才開始活躍。兔仔入夜後明顯更生猛精靈,周圍跑跑跳跳,不少住客晚飯後又再出動,十一點幾都仍有人玩到唔捨得瞓。我在島上旅館留宿,有幸見到最狼死嘅兔兔,估計因為餓足一晚,特別猖狂,而且遊人最少,想獨霸兔仔係呢個時候!

兔仔聞到我的背囊中有大量糧食,就包圍住想摷袋,有冇咁醒?
兔仔聞到我的背囊中有大量糧食,就包圍住想摷袋,有冇咁醒?
兔子聽覺靈敏,這裝置可以讓你感受一下兔子聽到放大數倍的聲音。
兔子聽覺靈敏,這裝置可以讓你感受一下兔子聽到放大數倍的聲音。
灰兔兔晚上黐地,夜晚行出去時要小心踢死兔!
灰兔兔晚上黐地,夜晚行出去時要小心踢死兔!
入夜後兔仔更加活潑好動,更加肚餓。
入夜後兔仔更加活潑好動,更加肚餓。
除咗食,兔兔其實懶過疏乎蛋!
除咗食,兔兔其實懶過疏乎蛋!
兔仔非常膽小及脆弱,唔好追趕或者嚇親佢,或試圖抱起或者捉住雙耳,輕輕撫摸好喇。
兔仔非常膽小及脆弱,唔好追趕或者嚇親佢,或試圖抱起或者捉住雙耳,輕輕撫摸好喇。
走近兔仔佢哋會第一時間衝過來,非常為食!如果你幾秒內仍然未拿出食物,兔仔就會掉頭走,現實過港女。
走近兔仔佢哋會第一時間衝過來,非常為食!如果你幾秒內仍然未拿出食物,兔仔就會掉頭走,現實過港女。
大阪旅客 Kohei 及Tomomi 「今次已經是第二次到訪大久野島,今次專誠來過夜玩兔。」
大阪旅客 Kohei 及Tomomi
「今次已經是第二次到訪大久野島,今次專誠來過夜玩兔。」

香港遊客 宋生宋太
「專登過來玩兔,來到先知道有得住宿,好後悔冇預約!」
BE5A6164 copy

與兔同露
島上設露營地,真正同兔仔同眠!場地可容納十個帳篷,即使自備帳篷也先要預約,每人每晚¥1,440/HK$94起,另可即場租營,4至5人帳篷¥3,090/HK$203,亦有地墊、燒烤爐等用具租借。

$660。兔島過夜

兔島沒有居民,只有一間度假村,屬國營設施,唔算特別豪華,不過每位¥10,080/HK$660起包兩餐一宿,設施齊全,有天然溫泉浸,有網球場、露營場、行山徑及沙灘等,還有步行徑可步行或踩單車環島一圈,玩兔以外都有其他活動。最大吸引力是任何時候望出窗就見到兔仔群,而且可以深夜探兔!

萌爆兔島背後其實有一段黑暗歷史,在二次大戰期間,這裡是日軍製造毒氣的秘密小島,更曾在地圖上「被消失」。現在島上除了有一間小小的毒氣資料館,亦保留不少戰時遺跡如炮台、發電廠、戰壕等廢墟。自1963年開設了度假村,成為人氣觀光地。有傳兔子曾為毒氣試驗品,不過官方解釋是1971年有小學生將八隻兔子在此放生,在溫暖及安全的環境下大量繁殖。有兔兔萌化,再陰森恐怖都唔怕啦。

酒店有65間客房,每逢六日及假期都爆滿,一定要提早預約。
酒店有65間客房,每逢六日及假期都爆滿,一定要提早預約。
劇毒氣貯存庫就在度假村隔籬,官方稱所有有毒物質早已清除。
劇毒氣貯存庫就在度假村隔籬,官方稱所有有毒物質早已清除。
兔仔大便朱古力曲奇¥380/HK$25 自家出品手信,味道一般,勝在創意無限。
兔仔大便朱古力曲奇¥380/HK$25
自家出品手信,味道一般,勝在創意無限。
兔仔鼻屎朱古力花生 ¥380/HK$25
兔仔鼻屎朱古力花生¥380/HK$25
房間分8疊至15疊和室,唔想瞓榻榻米亦有兩張單人床的雙人房。
房間分8疊至15疊和室,唔想瞓榻榻米亦有兩張單人床的雙人房。
酒店只有一間餐廳,晚餐供應自助餐,選擇豐富,亦可加錢額外點海鮮及牛肉。
酒店只有一間餐廳,晚餐供應自助餐,選擇豐富,亦可加錢額外點海鮮及牛肉。
休暇村職員 大田小姐 「我們不會特別照顧牠們,只會處理兔子屍體,不過每日都會有好心市民來餵飼及換水,所以肥肥白白囉。」
休暇村職員 大田小姐
「我們不會特別照顧牠們,只會處理兔子屍體,不過每日都會有好心市民來餵飼及換水,所以肥肥白白囉。」
島上仍有不少戰時遺跡,現已變成兔子聚居的巢穴。
島上仍有不少戰時遺跡,現已變成兔子聚居的巢穴。

休暇村大久野島
地址:廣島縣竹原市忠海町大久野島(顯示地圖
電話:+81-(0) 846-26-0321
房價:每位每晚¥10,080/HK$660起
交通: JR忠海站步行5分鐘至忠海港碼頭,乘船前往。每半至一小時一班,來回¥620/HK$41。
網址:www.qkamura.or.jp/tw/ohkuno(中文預約OK)

水豚 @ 琦玉

迷倒眾生~天然呆物

唔係淨係兔仔貓仔先有資格賣萌嘅,水豚(Capybara)一臉傻氣同蠢樣都贏得眾人歡心!源自南美,因性格溫馴容易親近,日本唔少動物園都會搵到佢啲朋友,最鍾意發呆浸水,夏天做spa 冬天浸溫泉,見到佢哋一臉疏乎樣,就夠療癒啦!

水豚Fun facts
。Capybara 解作「草原支配者」
。半水生草食動物
。全世界最大的嚙齒科動物
。最高時速達50公里
。天皇兒子秋筱宮親王作寵物
。平均壽命5至10年
。最愛食西瓜客

仙氣零距離。睇肥嘢浸溫泉

因水豚冇攻擊性,矇豬眼又肥騰騰超得意,所以日本的動物園大多採取自由放養。曾到訪埼玉縣兒童動物自然公園,可以直接走入圈內,近距離觀賞水豚。不過水豚其實唔係太理人(同唔郁),只會沉醉在自己的水世界內,唔好妄想佢哋會走過來同你say hi!雖然唔可以摸摸或者攬吓水豚,但設自費足湯,邊浸邊睇,成個畫面都幾搞笑。

水豚好幸福,冬天時有得浸柚子湯,浸完香噴噴!
水豚好幸福,冬天時有得浸柚子湯,浸完香噴噴!
水豚一臉enjoy,甚有拍洗頭水廣告的潛質。
水豚一臉enjoy,甚有拍洗頭水廣告的潛質。
日本曾經有水豚浸溫泉比賽鬥呆得耐,最高紀錄為兩個多小時!
日本曾經有水豚浸溫泉比賽鬥呆得耐,最高紀錄為兩個多小時!
水豚BB 較有活力,浸完走出水面一副出水芙蓉模樣。
水豚BB 較有活力,浸完走出水面一副出水芙蓉模樣。

埼玉縣兒童動物自然公園
地址:埼玉縣東松山市岩殿554(顯示地圖
電話:+81-(0)493-35-1234
營業時間:9:30am-5pm (5/11-20/2至4:30pm),逢星期一休息
入場費:成人¥510/HK$33,小童¥210/HK$14
交通:東武東上線高坂站轉乘巴士約5分鐘
網址:www.parks.or.jp/sczoo/

最強水豚寫真

貓迷可統稱為貓奴,今次介紹呢位仁兄,可以叫作水豚癡!在東京土生土長的渡邊克仁,自2006年在旭山動物園首次接觸水豚就一見鍾情,立即購入相機成為攝影師,而且獨沽一味影水豚。每年花過百天在動物園內拍攝,有超過十萬張玉照。他了建立網頁及fb,更推出五本水豚寫真集、DVD 及雜誌,亦多次獲獎及協助電視台拍攝,瘋狂粉絲非佢莫屬!

渡邊克仁官網:capybara.eek.jp

《Capybara 》寫真集台灣版 NT280/HK$65
《Capybara 》寫真集台灣版 NT280/HK$65

3大零距離水豚樂園

1. 伊豆Shaboten 公園
在1983年首間引入水豚溫泉,2014年經過裝修,除了大放飼場亦有虹之廣場,可以撫摸及餵水豚,每年11月至4月可以欣賞水豚浸露天風呂。
izu shaboten copy

地址:靜岡縣伊東市富戶1317-13(顯示地圖
電話:+81-(0)557-51-1111
營業時間: 3月至10月9am-5pm,11月至2月9am-4pm
入場費: 成人¥2,300/HK$150,長者¥1,900/HK$124,小學生¥1,100/HK$72,4歲以上幼兒¥400/HK$26
交通: JR伊東站轉巴士前往車程約35分鐘
網址:izushaboten.com
2.ASO Farmland 動物王國
全日本最大面積的水豚飼養場,水豚自由自在奔跑,十多隻水豚加埋籠內其他小動物,非常熱鬧。有小水池讓水豚浸泡,亦有得觸摸水豚。

地址:熊本縣阿蘇郡南阿蘇村河陽5579-3(顯示地圖
電話:+81-(0)967-67-2100
營業時間:9:30am-5:30pm
入場費: 成人¥900/HK$59,
小童¥600/HK$39
交通: JR豊肥本線赤水站轉的士約7分鐘
網址:www.asofarmland.co.jp
3. 那須動物王國
設大型放飼場及水池觀察場,冬天可以在室內觸摸水豚。失去前足的Chiffon 曾獲選全國最人氣水豚,最近園內更添了六隻BB!
nasu copy

地址:栃木縣那須郡那須町大島1042-1(顯示地圖
電話:+81-(0)287-77-1110
營業時間: 即日至3月11日 10am-4pm,3月12日至11月29日:平日10am-4:30pm,星期六日及公眾假期 9am-5pm
入場費: 成人¥1,200/HK$78、小童¥700/HK$46
交通: JR那須塩原站乘接駁車(須預約)
網址:www.nasu-oukoku.com

秋田犬 @ 青森

矇眼獅子~明星秋田犬

Wasao(わさお)這個名字對香港人或者非常陌生,但這隻長毛秋田犬卻在日本紅透半邊天! 8年前牠還是一隻流浪狗,幸得現任主人菊谷太太收養,住在青森一個偏遠的地方,話說7年前有位日本Blogger 在網誌上介紹了牠和菊谷太太賣的燒魷魚,外形像小小白獅子,再加上一雙「矇豬眼」,即時成為網絡紅犬!之後更吸引電視台來採訪,2011年更被電影公司睇中,將牠的故事改編成電影,Wasao 做埋主角,風頭一時無兩!日本人氣節目《志村動物園》更不時會到青森採訪牠,年多前更於節目中為牠招親,最後牠選了同是秋田犬的Tsubaki,但暫時仍未有所出!遊客想探望Wasao 及Tsubaki,只需到菊谷太太的商店就可以,由青森市開車約個多小時便可以,記得幫襯買多兩盒燒魷魚,又美味又抵食!

毛茸茸的Wasao 近看更似獅子,眼仔細細,帶點傻氣,非常討人歡喜!
毛茸茸的Wasao 近看更似獅子,眼仔細細,帶點傻氣,非常討人歡喜!

Wasao(わさお)
出生日期:2007年夏天(估計)
性別:男
體重:約40公斤
興趣:到海邊散步
威水史:2011年2月成為「日本世界遺產活動特別大使犬」

雖然經常有Fans探訪, 但畢竟曾經被遺棄,Wasao 其實很怕陌生人!不過只要主人菊谷太太在旁邊,牠便會露出笑容!
雖然經常有Fans探訪, 但畢竟曾經被遺棄,Wasao 其實很怕陌生人!不過只要主人菊谷太太在旁邊,牠便會露出笑容!
不少名人曾經來探望Wasao,商店內牆上掛滿他們的合照!
不少名人曾經來探望Wasao,商店內牆上掛滿他們的合照!
由藥師丸博子及Wasao 攜手主演的同名電影《Wasao 》。
由藥師丸博子及Wasao 攜手主演的同名電影《Wasao 》。

七里長浜きくや商店
地址:青森縣鰺ヶ沢町大字南浮田町字美ノ捨59-19(顯示地圖
電話:+81(0)173-72-6766
營業時間:8am-5pm
交通:JR「鰺ヶ沢」站轉乘的士約5分鐘,或由青森市開車約1.5小時

網絡紅犬 @ WWW

網絡人氣~笑顏柴犬

相比全世界,日本人較少玩IG,當中以水原希子最多粉絲,數目達310萬,第二位是有240萬的女藝人Rola,第三位竟然是一隻叫Marutaro的柴犬(日本普遍稱牠為「柴犬Maru 」),粉絲人數高達220萬,而且大部分都是外國人!原來Maru 主人很喜歡帶牠到日本各地旅行,並將旅行相片上載到IG,外國人被漂亮的風景及常常帶著微笑的樣子萌到,所以Fans 人數愈儲愈多,犬紅之後除了推出寫真集又拍廣告,去年年底更成為三重縣的觀光大使,威盡寵物界!不過,粉絲想被治癒的話,只能Follow 牠的IG,因為Maru 其實家住埼玉,當有特別宣傳任務才會出訪三重。

Maru(まる)
生日:2007年10月20日
性別:男
興趣:挖洞
喜歡的食物:蘋果
害怕的東西:行雷、放煙花

IG粉絲人數高達220萬
IG粉絲人數高達220萬
與三重縣毫無關係的Maru突然成為觀光大使,有說是參考鄰縣和歌山貓站長的成功,但睇真啲Maru同三重縣知事(右)笑得幾似!
與三重縣毫無關係的Maru突然成為觀光大使,有說是參考鄰縣和歌山貓站長的成功,但睇真啲Maru同三重縣知事(右)笑得幾似!

柴犬Maru
官網:shibainumaru.com
IG:marutaro

狐猴 @ 大阪

飛簷狐猴~投懷送抱

超大型商場Expocity 去年年底於大阪開幕,場內最矚目的設施,是集美術館、水族館及動物園於一身的「NIFREL 」。除了色彩繽紛的魚、凶猛的鱷魚及罕見的白老虎之外,館內最有趣的動物,就是狐猴,即是電影《馬達加斯加》唱「I like to move it, move it…」那隻黑白色的長尾馬騮!
館內牠們是「放養」的,即可在特定範圍走來走去(或在頭頂飛來飛去!),牠們不怕人更充滿好奇心,參觀時坐下來休息有一隻剛好走近,Model 便拿出手機來拍照,豈料牠突然按著Model 的手臂並望著iPhone,好像想Check 相一樣,相當搞笑!

NIFREL
地址:大阪府吹田市千里萬博公園2-1(顯示地圖
營業時間:10am-8pm(7pm最後入場)
入場費: 大人¥1,900/HK$120、中小學生¥1,000/HK$63、小童¥600/HK$38
交通: 地下鐵御堂筋線「千里中央」站下車,轉乘Monorail,於「万博記念公園」站下車直達
網址:www.nifrel.jp
延伸閱讀:
貓奴一生人必遊之地!日本萌爆小動物之旅(下)
|大阪旅遊|半熟蛋天婦羅彈牙烏冬! 6大必食話題拉麵店
【平價海鮮串燒】東京鰻魚食堂「築地 にっしん太助」B 級美食殿軍 @東京物語

有到日本旅遊前要了解的實用資料嗎?

日本是香港人最愛的兩大旅遊地點,去旅行前必看5大旅遊保險保障新冠肺炎的比較,另外為你推介日本10大好用電話卡,亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話

日本已開放自由行,有最新的旅遊景點推介嗎?

想要行程推薦的可以參考以下資訊:大阪自由行攻略富士山28大景點福岡自由行懶人包東京自駕遊路線