行山
行山

打工仔行山遇老闆 從此被迫一齊行 同事辭職仲要搵「替死鬼」

熱話

廣告

遠足行山從來都是放鬆身心靈的活動,好讓自己逃離平日職場累積的壓力。近日一名打工仔於Facebook專頁「辦公室日報」上投稿,指自己與同事之間有個行山Group,間唔中會同同事行吓山,本來非常愜意,直到一次在山上巧遇老闆,事件就急轉直下,直言連行山都不能放鬆,即睇發生咩事!

打工仔行山遇老闆 從此被迫一齊行 同事辭職仲要搵「替死鬼」 最小家係呢樣!

該位工仔於Facebook專頁「辦公室日報」上發文,指他們幾個同事之間有個行山Group,大家都志同道合,平均每一至兩星期都會行一次山,有些同事還會帶另一半出席,本來每次都很開心,在山上也會「講吓公司是非,講吓高層同老闆壞話」。

行山 有網民指自己在上班過程突然被老細急call入房「照肺」。
打工仔行山巧遇老闆 從此被迫一齊行!(圖片來源:電影《受夠了!我要炒老細》劇照)
行山 只有一條梯級,難度淺易,相信不論是大人或是小朋友也能輕鬆應付。
行山放鬆慘變Social(圖片來源:新假期編輯部)

直到有一次在山上巧遇老闆兩公婆,老闆就話不如以後一齊行,事主與同事也因為作為員工的壓力,不敢拒絕只能說好。事隔兩日後,老闆在公司更大手送了4隻智能運動手錶給事主與同事,每隻要價$2,000多元,當時事主已心感不妙,「仆X喇,唔使咁認真呀?」、「咁樣送得,即係行山唔預你唔得啦!」

行山 運動智能手錶示意圖
運動智能手錶示意圖(圖片來源:Garmin Hong Kong)

後來行山變得完全變質,直言感覺「好似公司應酬一樣,無晒放晒Relax嘅感覺,乜都要就住就住。」事主曾經嘗試故意缺席一次半次,然而老闆星期一就會問長問短,事主慨嘆「行山係放鬆同興趣嚟咋,使唔使打埋卡呀?」

行山 開始路段樹蔭蠻多,頗有森野feel。
直言感覺「好似公司應酬一樣,無晒放晒Relax嘅感覺」(圖片來源:新假期編輯部)

超小家!叫事主追離職舊同事還錶

後來行山Group中有一位同事因轉工離職,順理成章地退出了行山群組,大約一個月左右,事主指老闆跟他說「喂,你叫Jason還返隻錶吖。」事主即時愕然回「還錶?」老闆再說「係呀,佢都唔做喇,又唔再一齊行,還返隻錶嚟啦,睇吓公司有邊個想Join,將隻錶送畀其他一齊行山嘅同事。」

行山 昂坪
超小家!叫事主追離職舊同事還錶(圖片來源:新假期編輯部)

事主心想「送咗你就咪鬼要返啦,有無咁小家呀?唔係唔捨得畀返你呀,係麻X煩呀,當初又無人話要,你估職員證咩,辭咗職要交還隻錶畀人事部呀?」後來事件啟發了事主,向老闆稱自己之後每個周末都需要學韓文,一次過搵晒兩名「替死鬼」(接班人),藉機脫手智能手錶,從而甩難。

行山 事主感到十分憤怒,表示上個星期就沒有處理其email,而上班後的星期一亦沒有處理。
事主一次過搵晒兩名「替死鬼」(接班人),藉機脫手智能手錶,從而甩難。(圖片來源:電影《受夠了!我要炒老細》劇照)

豈料兩個月後,兩位接手的同事都異口同聲話不想再行,想還錶給事主,事主聽後只丟出一句「呢單嘢唔係我跟開!」仲話想Quit就自己搵替身咁話。網民就認同「放鬆變Social」的確係慘,同埋老闆要求還錶舉動非常Cheap。

行山 事主形容老細為「垃圾上司」,不時都推卸責任。
「呢單嘢唔係我跟開!」Sorry!(圖片來源:電影《受夠了!我要炒老細》劇照)

圖片來源:辦公室日報、新假期編輯部、電影《受夠了!我要炒老細》劇照