蝙蝠俠
蝙蝠俠

蝙蝠俠對決超人! 1:1原大蝙蝠戰車 仲有獨家限定Figure!

熱話

廣告

電影《蝙蝠俠對超人:正義曙光》月尾就會正式上映,但心急的粉絲們,今日開始就可以到又一城率先與電影造型的兩位主角合照,現場更有全球首次展出的1:1原大蝙蝠戰車,粉絲必到!

1:1 超像真主角+戰車

全場最搶鏡的一定是這架1:1蝙蝠戰車,由Hot Toys打造,質素超有保證!有蝙蝠戰車,當然亦少不了蝙蝠俠雕像,加上今集電影全新蝙蝠戰衣,簡直想摸一摸嗰6舊腹肌。

除了蝙蝠俠,另一主角超人的像真度簡直直逼蠟像館質素,眼神超有戲!而神奇女俠甚至似到嚇親細膽記者,頭髮同眼睫毛都太真喇!!!粉絲們合照之餘,都記得要近距離欣賞咁像真的藝術品。

1:6 電影經典場面重現

除了原大的主角們,現場亦展出3組1:6電影對決場面,場景全現得十分細緻,連面部表情都落足功夫。

必搶電影限定Items

1:6 裝甲蝙蝠俠(亮鉑電鍍黑版)珍藏人偶

呢款1:6裝甲蝙蝠俠,眼部內置LED燈,而且可以摸臉部表情,加埋索勾槍、蝙蝠榴彈炮,真係又睇得又玩得!今日(3月3日)開始就作全球獨家預訂,VIP由5點開始可到又一城pop-up store預購,而非VIP則由7點開始預購,放工即刻撲出去啦!

電影限定Cosbaby迷你珍藏人偶

Cosbaby系列一向受歡迎,今次推出電影限定款,相信都好快會被搶購一空,而且有現貨唔駛訂,早買早享受!

TOUMA Box Set

雖然唔係首賣,但係以往TOUMA系列都超受歡迎,上次買不到的粉絲們,今次要把握機會了~

掃完貨記得要同門外兩隻巨型Cosbaby影相呀~

玩互動遊戲做英雄

影完相掃完貨,記得上多兩層電梯,去埋G層玩互動遊戲,可以化身超人同蝙蝠俠,拯救地球~

 

 

超人雷射眼射殞石

第一次知道,原來我都可以用眼神射殞石,只需要望一望舊殞石,遊戲機就會感應得到,就會以雷射眼射爆殞石,超神奇!唔講其他人絕對唔知你玩緊乜,只係會以為你企定定唔郁。

蝙蝠俠飛鏢殺壞人

呢個遊戲需要不斷用雙手做出放飛鏢的動作,遊戲機感應到就會放出飛鏢,殺光壞人。

《蝙蝠俠對超人:正對曙光》x 又一城 powered by Hot Toys

地址:九龍城又一城LG2層及G層
日期:3月3日至4月10日
時間:10am-11pm

最後加送一段「被刪剪」電影橋段,超好笑,請慢用~

延伸閱讀
《寵物小精靈》大變動! 連比卡超都被改名?!
青春回憶返晒來~《歌舞青春4》開拍!