網民怒轟港女去藝術館只為打卡 咩都影阻住人睇藝術品 ！

港女去藝術館淨係識打卡

早前有網民在討論區大呻「覺唔覺去藝術館/藝術展係咁影相打卡嘅人好煩」，事主表示Art Basel、香港藝術館等，有很多人排隊影相，在藝術品前打卡本來沒太大問題。不過事主表示突然被保安阻止睇藝術品，事主大感無奈，「最搞笑係有次去到見到有人想近距離欣賞件展品，畀保安叫佢行遠少少望，因為有條隊排緊隊影相，成件事好反智，想欣賞藝術品嘅人反而無得欣賞」。

打卡已經見怪不怪

不過有網民覺得這種情況已經見怪不怪，就算想認真欣賞展品，一樣會被人鬧阻住晒！「試過喺香港睇莫奈展，企係度睇多陣，都俾打卡嘅人同保安鬧，我堅持唔走開，最後搞到班保安call個康文署主任過嚟理論，個保安同個職員投訴我企喺度睇，根本道理喺我度，唔通佢格硬拗唔可以睇藝術品，只可以影完走咩？個職員都喺同我道歉，叫我乜乜人多體諒下，不過佢哋有心包裝到係打卡展，所以根本個風氣就咁」。亦有人指，世界各地都有人在藝術品前打卡，可能已成為現時的欣賞標準。

咩都影一餐最討厭！

有網民覺得打卡不是問題，「講真一兩張打卡影相真係ok，快快手影完唔好阻住人」、「有啲人每件art都要打卡合照，佢地忘我嘅程度，經常令我覺得自己阻住佢影相」、「有認真睇藝術品又有打卡點計，Why not both」。

網民：啲文青根本唔係真心欣賞

不少網民紛紛留言，覺得香港人只會令藝術商業化，99%人都唔睇展品介紹，純粹影相，完全不會去了解展品背後意思，亦有網民食花生表示，去故宮博物館都是好多人影相自拍，不是睇展品。更有人指：「十個人去睇，有一個識都算執到」、「啲文青根本唔係真心欣賞，純粹想打卡Post上IG畀人知，我今日又去睇藝術展啦，我好有文學藝術修養」。

不過，就有人指，打卡不影響人其實都沒有所謂，各有各睇。

資料來源：連登