英女王
英女王

回顧英女王訪港5大足跡!兩度走訪屋邨超親民 第一位人人都去過|玩樂熱話

熱話

廣告

英女王伊利沙伯二世(Queen Elizabeth II)於英國時間9月8日逝世,終年96歲。英女王曾是港人的「事頭婆」,可以話係香港人的集體回憶,不少港人都表示不捨。當年她兩度訪港,以下為大家回顧她於香港的5大足跡!

網民盤點5大英女皇香港足跡

5. 皇后山邨

位於粉嶺嘅皇后山邨非常罕有地用英文意譯命名,並係近呢一兩年先至落成入伙,同鄰近嘅居屋山麗苑係同一個發展項目。皇后山村嘅前身喺皇后山軍營,2007年播出嘅「學警出更」亦都喺呢度取景拍攝。

英女王 英女皇 皇后山邨
皇后山邨(圖片來源:GoogleMap截圖)

4. 愛民邨

何文田愛民邨原來係香港第一代公屋,特色係井形嘅天井。係1975年愛民邨初落成嘅時候事頭婆同佢老公就係訪港期間嚟咗愛民邨參觀康民樓六樓其中一住戶。當年因為愛民邨得到左「九龍模範邨」嘅稱號,吸引咗唔少遊客同市民嚟參觀,連村內舖頭都賣英女皇周邊商品!

英女王 英女皇 事頭婆都落區探訪,街坊們一睹女皇風采。
事頭婆都落區探訪,街坊們一睹女皇風采。(圖片來源:房屋署)
英女王
(圖片來源:TVB影片截圖)
英女王 英女皇
(圖片來源:Facebook@UK in Hong Kong)

3. 中環皇后碼頭

皇后碼頭當年係位於中環一個可供小型船隻泊岸嘅公眾碼頭,2007年宣布拆卸計劃時候仲引起爭議同保育人士嘅反對。原來當年女皇訪港,就係喺啟德機場降落後搭船喺皇后碼頭上岸,再喺大會堂對出空地最舉行歡迎儀式。而家大家可以去中環9號、10號碼頭望下海懷緬下皇后碼頭舊址。

英女王
(圖片來源:新假期編輯部)
英女王 英女皇 當年嘅歡迎儀式可以話係萬人空巷。
當年嘅歡迎儀式可以話係萬人空巷。(圖片來源:Facebook@UK in Hong Kong)

2. 中環半山

除咗愛民邨之外,英女皇仲喺嘉咸街堆檔口同檔販傾偈,問吓佢菜心幾錢斤,可唔可以搭棵蔥(好似係咁)。若然要視察民情,民生最基本嘅就係食,去街市睇吓市民問傾吓計,仲可以顯出事頭婆貼地嘅一面。其實就算佢冇嚟過,呢度本身都充滿着香港昔日嘅氣息!

英女王 英女皇
(圖片來源:Facebook@UK in Hong Kong)

1. 維多利亞公園

香港最熟悉嘅英女皇非維園莫屬,因為公園正門亦都係高示威道入口樹立左一個維多利亞女皇銅像,係為咗慶祝女皇登基50周年鑄造,原本放喺皇后像廣場,後來被安放於維多利亞公園,就趁住呢個禮拜,去維園扮吓文青野餐或者打下波最適合不過!

英女王 英女皇 維多利亞女皇喺維多利亞公園,係好理所當然。
維多利亞女皇喺維多利亞公園,係好理所當然。(圖片來源:Google Maps)

英女王去過愛民愐?

1975年愛民邨初落成嘅時候英女王曾到訪愛民邨參觀康民樓六樓其中一住戶…更多詳情

英女皇去過皇后碼頭?

當年英女王訪港,就於啟德機場降落後搭船於皇后碼頭上岸…更多詳情

圖片來源:TVB影片截圖、 Facebook@UK in Hong Kong, Google Maps