雞煲
雞煲

【自助餐放蛇起底組】觀塘$108雞煲放題 食耐D平多D

熱話

廣告

食雞煲一定要兩粒鐘起跳?咁又未必!今次帶大家嚟到觀塘呢間米線店,夜晚的雞煲火鍋放題,食幾耐由你自己決定,食耐啲就收貴啲!價錢由$108起,抵唔抵食呢?即刻去片!

時間計錢 $108起跳

望望收費表,雞煲最少要食1粒鐘,由$108起收費,不過食1粒鐘好似太趕, 2個鐘收$138,計落都平過坊間雞煲店喎!個半鐘收$118,更抵玩!一於挑戰下個半鐘,食快啲啲!雞煲可揀麻辣、香辣和奇味,另有烤魚可揀。

01
雞煲火鍋放題1粒鐘起跳,最平收你$108,今次我哋排戰1個半鐘,$118/位,呢個價錢比坊間抵食啊!

 

04
雞煲上枱先開始計時,店員更會同你對錶,喺你張單到mark低時間,咁就清清楚楚。

2個人有半隻雞,雞煲一上枱已經聞到好香好香啦,好想即刻開餐!雞件大件多肉,食落有少少嚡,但可以接受。醬料惹味,不過可惜雞件唔夠入味,少少失望。

A4
兩個人有半隻雞,一上枱已經聞到好香~
06
望落大件,食落亦啖啖肉,可惜有少少嚡同唔夠入味。

 

串燒味道合格 火鍋料選擇少

每人會送3串串燒,可揀牛/豬/雞肉串、雞翼、丸類及菠蘿等。我哋叫了燒牛肉片、汁燒豬肉劃、鹽燒雞中翼、燒墨丸鹽、燒秋刀魚及燒菠蘿,肉串都燒得脆卜卜,味道正常,不過秋刀魚燒到有啲過,食落有少少苦,要扣分啊!

02
串燒紙
A6
每人免費送3串串燒,可揀牛/豬/雞/魚/丸類等。

肉串燒得脆卜卜,味道正常。

09
秋刀魚燒得耐得濟,有啲苦。

食完雞煲呢,就行出去夾火鍋料返嚟打邊爐!不過出去拎嘢食條路有啲窄,睇路啊!自助區在一個雪櫃內,一眼望晒,有肉片、內臟、丸類、菇類、腸仔同和菜等,只有最basic嗰啲囉,選擇比較少,亦無自家特色配料。飲品可任飲,有汽水同啤酒。

A2
一眼望晒的自助區域,Basic選擇,有肉片、丸類、菇類等。
05
想夾肉片有啲難度,未解凍,成座冰山咁,要慢慢刮一片片肉出嚟,好核突。
03
飲品汽水同啤酒任飲。

 

咦,係咪差咁啲嘢呢?打邊爐必食嘅肥牛呢?見唔到嘅?非常非常非常可惜,肥牛竟然唔係任食!!!超失望囉!淨喺會送一碟特級手切肥牛,望下個樣先,吓?都唔以肥牛嘅,脂肪肥位咁少,邊忽肥啊?

A5
肥牛無任食,每枱會送一碟特級手切肥牛,但望落一啲都唔肥。

呢碟偽‧肥牛size仲好迷你,食落彈牙有牛味,不過打邊爐我都喺想食肥牛多啲囉,還我真‧肥牛!!順帶一提,如果想再encore偽‧肥牛每碟就要收$68,有啲貴!

13
偽‧肥牛好細件,不過彈牙有牛味。

肉類味道差差差 個半鐘成功埋單

出面任揀肉類牛、豬、雞各有1款,即刻幫你試下伏唔伏!牛肉呢,個味勁似平時早餐食到嘅沙嗲牛肉,係咪朝早賣剩嫁呢?但個質感實在太太太粉,唔好食!

12
味道激似沙嗲牛肉!不過勁粉,難食。

豬肉望落好正常嫁,大大件咁,不過食落口先知中伏!!!勁霉,嘔唔切!!最正常係個雞…粒,唔可以用一片片嚟形容,要用粒嚟形容,食得出佢有調味嘅,同埋幾滑,不過雞粒真喺無咩口感可言。

11
豬肉入口超霉,又一難食之作。
10
雞粒正常,不過太細碎了!

你最期待的埋單環節嚟啦!個半鐘呢其實食得飽嘅,亦都夠時間打邊爐,我哋六點半入座,八點鐘行出去收銀埋單,實收$118×2=$236,成功達陣!Yeah!

今次嘅靈魂係雞煲,夠惹味,唔夠入味同少少嚡就扣咗啲分;火鍋料選擇唔多,肉類味道更奇奇怪怪,感覺有啲hea。樓面不太夠人手,就算叫咗店員執枱加湯都要等下,但態度喺ok。環境比一般茶記光猛企理,拎火鍋料條路有啲障礙物,但坐得都舒服。

總分:5.5/10 A7

金拇指米線

地址:觀塘裕民坊58-62號地舖 (顯示地圖)
電話:29557628
任食供應時間: 6pm-1am
價錢隨用餐時間而定 (以雞煲上開始計)

1小時:$108
1.5小時:$118
2小時:$138
2.5小時:$158
3小時:$178
3.5小時:$218

備註:不設加一,收現金及八達通

 

延伸閱讀:
【自助餐放蛇起底組】上水快食一粒鐘 $68 Lunch Buffet
【18區掃食】甜品控召集!西環最強甜品地圖