大埔街坊去自助洗衣店洗寵物用品 港女千字文炮轟反被網民鬧爆！

港女狠批寵物主人去自助洗衣店洗寵物用品

最近有網民去大埔自助洗衣機洗衫時，見到一名寵物主人正在洗寵物用品，樓主全程影著該事主，同時更批評對方無公德心，「你對你自己嘅寵物嘅用品，喺屋企點樣處理係你嘅事，拎出去出邊洗就要做返有個公德心嘅人」。

洗衣店清楚寫明不可清洗寵物用品

樓主續指自助洗衣店門口，以及每部洗衣機都已經貼上不可清洗寵物用品、汽車用品、髮廊物品的字眼，寵物主人仍然視若無睹，繼續洗寵物用品，樓主怒轟對方「唔好扮睇唔到啦！中英對照都唔識睇，唔通打個火星文出嚟識睇啲㗎」，不過寵物主人指自己睇唔到「不可清洗寵物用品」，亦即時道歉和吸走洗衣機內的寵物毛。

批評寵物主人無公德心

樓主認為寵物主人並非第一次到自助洗衣機洗寵物用品，更質疑對方「既然你咁愛你自己嘅寵物，點解唔可以同你啲寵物用品一齊洗？點解要拎出去出邊洗呀？咁有錢養寵物點解唔買多部洗衣機擺喺自己屋企分開洗呢？呢啲咪就係叫自私囉冇公德心囉！自己乾淨人哋污糟」。

網民一面倒反鬧樓主：「追人幾條街影住人，有無公德心」

影片在網上瘋傳後，引來不少網民熱議，網民一面倒斥責樓主港女態度咄咄逼人，覺得寵物主人已經道歉，無需小題大做，「個女人已經say sorry，而且即刻處理啲動物毛！仲想人地點？如果對方係男人，我諗未必咁樣話人！其實洗衣店啲機勁污糟，我諗唔單止狗毛囉」、「公園仔嗰度好多彪形大漢除口罩食煙，樓主你咁正義嘅唔該你幫手捉一捉跟佢哋九條街」、「跟人九條街我覺得你過份啲囉」。

資料來源：Facebook@大埔 TAI PO