男友聖誕節於尖沙咀街頭痛哭!只因女友嫌佢冇XX 網民撐女友:拍咗2年拖你都咁唔識做|網絡熱話
港女呻男友對自己漠不關心 聖誕節冇準備禮物 網民:「重點唔係份禮物!」
事主於連登開po以「聖誕節12月25號,男人老狗係尖沙咀喊咗」為題,交待自己與女友已經拍拖兩年,而且兩人的感情亦十分不錯,事主指:「我一直以為平平淡淡咁過日子係最好,生日過節簡簡單單食餐飯,行下街已經好幸福。」。
![聖誕 事主指自己與女友一向都幾穩定。](https://imgs.weekendhk.com/wp-content/uploads/2021/12/-2021-12-28-144941_77454229761cab3e7141d4.png)
女友見面:聖誕禮物呢?
聖誕當日事主就相約女友見面,女友見面後第一句就問事主要聖誕禮物,而事主就以:「吓?冇喎,噚晚平安夜咪同你食咗飯囉」回應女友。而對方就大呻事主沒有儀式感,事主之後都深知出事,所以就指自己會補送禮物,不過女友就直言:「我唔係想要講先識做呀。」。
![聖誕 事主女友呻事主沒有準備禮物。](https://imgs.weekendhk.com/wp-content/uploads/2021/12/-2021-12-28-144959_207757246861cab41978be0.png)
嘗試即場補獲 街邊買兩隻聖誕鹿角
如是者事主不停在路上哄女朋友,之後更在街邊買兩隻聖誕鹿角打算令女友唔好嬲,怎知道對方指:「其實我唔想同你講野囉!」,而去到此刻事主終於知道做什麼也不能夠補救,而自己亦都沒有興致去挽回僵掉了的氣氛。去到有一刻事主終於忍不住問女友究竟嬲什麼,而女友就指出事主對前任十分好,但對自己就相當hea,直指事主對自己「唔上心」。
![聖誕 事主點哄對方都沒有反應。](https://imgs.weekendhk.com/wp-content/uploads/2021/12/-2021-12-28-145022_138467246561cab4389e22a.png)
去到該刻事主都意識到自己一直的行為都做得不好,指自己忍唔住流下男兒淚,之後直言:「我喊或者係因為委屈,因為面子,但大多數嘅係因為我無意傷害左自己最愛嘅人。」,雖然事主自己認為已經毫無保留愛對方,但對方卻未能夠感受得到,直言「好似比人冤枉咁」。
![聖誕 事主指自己之後先知錯咩!](https://imgs.weekendhk.com/wp-content/uploads/2021/12/-2021-12-28-145102_33591366861cab48272ebe.png)
網民:你哋今次真係散硬
不少網民都認為其實重點不在禮物,而是事主失去了作為一個男友應有的責任。亦有網民認為事主今次與女友可以說是「散硬」,認為對方已經十分失望。有網民都指事主與女友拍了兩年拖還不知道對方「愛的語言」,直言「抵死」。
![聖誕 事主與女友拍了兩年拖還不知道對方「愛的語言」](https://imgs.weekendhk.com/wp-content/uploads/2021/12/7eknw5z7fnk00s4g00kwwoso8r3f5un_24075988861cc35b2d3e44.jpeg)
網民撐女友:女仔人家大時大節都希望收到禮物
另外都有網民指其實女仔人家大時大節都希望收到禮物,哪怕是小小的禮物仔,都要有!另一名網民就指送禮只是導火線,指事主講兩句就喊實屬「煩過女人」,直言事主喊的行為是「weak過女人」。
![聖誕 比燈海天幕包圍住嘅感覺好幸福啊~](https://imgs.weekendhk.com/wp-content/uploads/2021/11/batch_img_5037_173009596618d2bdd1ea62-768x1024.jpg)
撰文:WM丨圖片:劇照,連登丨資料:連登