新人返工第一日自己帶飯食 老屎忽即講壞話指不懂人情世故：留夜晚食唔得？
廣告
經常講打工要懂人情世故，不過大部分「老海鮮」卻一味以自己角度出發，令打工仔受到極大壓力。最近有疑似「老海鮮」在網上發文表示，現時凡是新入職的同事都有一個共同弊病，「個個都話帶咗飯而拒絕一起吃午飯」，批評新一代「咁有性格」，難以媲美上一代的打工仔！
入職第一日自己帶飯拒一齊吃Lunch 同事：點解唔可以留夜晚先食？
近日有人在Facebook「奴工處」投稿，指現時的新人新不如舊。內文疑似是一「老海鮮」撰文，他指可能大家會當他是老海鮮，但不得不說上一代人的人情世故比現時好得很，更指很難再於新人堆中找到有禮貌的人。他大指經常聽到新一代打工仔第一日入職就自行帶飯，每次好心問新人一起吃午飯時，對方總是說「我帶咗飯SORRY，但其實帶咗飯點解唔可以留夜晚先食，又或者覆句不如聽日再一齊食都得」。
老海解批新人不懂人情世故：新年拎利是都要人餵到埋身
「老海鮮」指不明白新一代的獨行獨斷和獨來獨往行為，他指可以不「埋堆」，但大家都是一場同事，不應該「咁有性格」。而且新年期間，每人都是站起來打招呼討利是，但新一代卻戴著耳機，坐著與老細拜年，「唔講仲以為係班97後先係老闆」，相當不禮貌。
網民大鬧老海鮮想控制新人 ：點解硬要人哋同你埋堆
網民卻批評「老海鮮」的一番言論，認為不與同事食飯，並不代表不懂人事世故，相反是當事人根本不懂體諒同事，只懂控制別人。「好多管閒事仲將自己果套較硬套入人地到」、「約人食飯唔係提早約定日子又好識人情世故？」、「點解硬要人哋同你埋堆」！更有打工仔指「其實返工可以自己一個食Lunch係好幸福嘅事，要夾硬同唔熟或者唔啱傾嘅人食飯真係好辛苦」、「Lunch Time係難得嘅Me Time時候，唔好逼人應酬啦」。
原文：
資料來源：FB@奴工處
圖片來源：FB@奴工處、《愛回家之關心速遞》截圖
