港男怨阿媽貪平亂買元朗新樓好崩潰 全家被逼搬離九龍：而家寧凋空都唔住
阿媽貪元朗新盤平火速購入單位 地點超遠成跩跩專用房
該網民以「買樓真係唔好因為平而買山卡啦（山旮旯）地方」為題，在討論區發文，指自己原本同屋企人住油尖旺區，生活配套非常方便，平日衣食住行片刻即達，而附近佐敦一帶盡是宵夜食肆。 不過「幾年前老母貪元朗有新樓新盤，買咗層樓，本來無乜嘢，但係住住下發現真係好XX遠，揸車出市區起碼半粒鐘（垃圾元朗市中心根本就唔X係市區），依家丟空咗間屋幾年，係間唔中帶啲fd 去打麻雀or 帶啲女入去做下X房咁。雖然屯天元地方買樓可以係市區一半，但係真係好X唔方便。」
網民嫌棄：大西北騎牛地方、啟德半棄「新」市鎮
有網民非常認同說法，更形容「好人好者點會去大西北住」，部份人又認為九龍東亦是不應居住的地方。
「好人好者點會去大西北住，有啲傻仔，用九龍價錢買山旮旯大西北 。」
「遇正冧市仲慘，樓價又唔見一大截，前景又冇乜，日日仲要坐咁耐車來回返工，雙重折磨。」
「屯天元揸車都好哂時間。」
「萬幾蚊呎買屯門先癲，班人應該好鍾意搭車。」
「千祈唔好買tko甚至康城，第時個個前海番工，tko咁遠點返。」
「搬去元朗=移民。」
「太遠啦，我十幾廿年前想買YOHO MID TOWN，個時四百萬都唔洗,樓花價，比我女人話, 買到咁遠，你不如移民啦。」
「以前住九龍東，去灣仔都係半個鐘以內，結左婚搬左入大埔，好唔慣，好XX遠，成X日塞車。」
「有冇聽過啟德，又輕軌又新cbd。」
「無聽過九龍東CBD?啟德10年前夠係「起動九龍東」，而家呢？」
「公屋又贏得漂亮嘅一仗，用料、間隔、配套、人情味，贏哂。」
「大西北要買只會揀Yoho或瓏門。」
「元朗尚悅算唔算係垃圾？」
「請問 壽臣山算唔算山卡啦？」
「OnX先買山卡啦，青衣馬鞍山匡城都夠遠屯元天最XonX。」
其他網民：以後大西北先係市區
亦有自小住新界地區的網民則認為，只是與習慣問題；亦有人認為沒錢的話，甚麼地方都得去住，又指以後大西北才是市區。
「無聽過北部都會區？ 以後大西北先係市區。」
「由細住到大咪唔覺有問題，住開中九龍搬入去話冇問題都呃人啦。」
「無錢就要睇住邊啦，我夠想住港島半山啦。」
「X吹個都會區出嚟氹啲傻仔買樓，佔地面積咁大，超多地仲要未收，未規劃，你個孫大學畢業都未起好啦。」
「住九龍大搬入去大西北肯定唔慣，交通時間要用多兩倍時間。」
「無人叫你買元朗山卡啦，又無錢買yoho咁梗係唔方便啦。」
「咩年代呀？仲講市區新界，又唔係個個要誇地區返工。」
「係人都想買又新又大又方便，唔夠錢就要取捨。」
「同一舊錢，有人鐘意就腳啲所以買市區劏房，有人鐘意大啲所以買山卡啦舊盤，有人鐘意住新啲所以買山卡啦新盤，咸魚青菜各有所愛。」
「大西北都嫌遠，咁唔洗去英國啦。」
「其實而家啲人都係笑緊買將軍澳啲人。」
「睇係你係用時間搵錢定用錢買時間。」
「港島啲豪宅區值錢在清靜隔涉得嚟但係出/落返中環灣仔銅鑼灣核心地區其實好快，邊個有錢佬會想嘥時間係搭車上面。」
原文刊於：經濟一週
