OL網購尖頭鞋慘變「色色鞋」　中指外露網民爆笑：完全貨不對辦

Oct 17 2023

網購愈嚟愈盛行，但係上網買嘢就只係靠睇產品圖片以及買家評論，所以都有唔少人曾經買「伏嘢」，實物與圖片不符。有內地網民向微博「偽意見領䄂」投稿，分享自己淘寶中伏嘅經歷，結果令網民爆笑「加埋對肉色絲襪就真係夠晒畫面」，更指「其實可能唔係對鞋有問題，而係你對腳出事」。

網購氣質尖頭鞋慘變「色色鞋」　一穿即變形

一位網民表示網購一對尖頭鞋，但係著起上嚟完全係兩回事。於是該名網民向微博「偽意見領䄂」詢問：「請問這種情況是鞋子的問題，還是我腳的問題？」

賣家的「實物圖」見到明顯鞋比腳大得多，有網民就話：「賣家秀肯定是36腳穿38鞋了」。

有網民認為問題不在於對鞋，而係樓主對腳，又有人講笑話「對鞋嘅皮質真係夠軟身」、「有種皮薄餡大嘅感覺」、「平嘢無好嘢啦」、「絕對係腳問題，你呢種肥厚腳掌著唔到呢D鞋」、「著對肉色絲襪就啱晒」。奉勸大家下次買鞋，都係親身試過比較好。唔知大家又有無遇過網購中伏嘅經歷呢？

關鍵詞

圖片來源：微博＠偽意見領袖