新人擺酒留一圍枱畀仇家親戚 被大讚有勇氣值得欣賞 真相原來另有玄機
廣告
結婚擺酒是不少人心目中的人生大事，要宴請甚麼親戚、朋友，甚至各人的座位安排全部都是一門大學問。日前，有網民在參與飲宴時，就發現其中一圍枱上標記「客人類別」的紙條上，竟然大大隻字寫著「仇家親戚」，令他不禁驚訝一對新人的勇氣及氣量。本以為婚宴有機會變「打交現場」，卻驚揭背後爆笑真相，令一眾網民議論紛紛！
霸氣新人結婚擺酒竟留一圍給仇家親戚：咁有勇氣？
結婚擺酒除了要為宴請甚麼賓客傷腦筋，亦要細心考慮每一位賓客背後的「恩怨情仇」，以免破壞婚禮的幸福氣氛。因此，大部分新人都會在每一圍枱上，標記該圍賓客的身分，例如「新娘同學」、「新郎同事」等等。惟早前一位網民參與飲宴時，竟看到其中一圍枱上的客人類別寫著「仇家親戚」，令一眾網民嘩然。
臨近開席仍未到齊人 網民：邊個敢坐
據事主所拍的照片中可見，飯桌上放置一張紅底黑字的「仇家親戚」，不過相中就未有影到有人坐下，臨開席時都未坐滿人，未知是否「仇家」反悔或太嬲而拒絕到場。有網民就笑稱一對新人「好有guts」、「唔怕嚟踩場」，更揚言「大日子點少得仇家」、「仇家相見份外眼紅」、「俾佢哋睇吓自己幾幸福」。
爆笑真相曝光 網民：搞咁多嘢！
一張「仇家親戚」引來大批網民熱議，而背後爆笑真相亦隨之曝光。原來此「仇家」並非彼「仇家」，不是大家心中所想的「仇人」，而是姓氏為「仇」的親戚。真相曝光後，原本大讚一對新人的網民即時「反cup」，紛紛開始炮轟負責準備紙牌的人，怒斥他「唔識變通」、「改做男方/女方親戚咪得」，直指「大喜日子搞啲咁嘅嘢」、「應該要避免出現歧義」。
圖片來源：小紅書@創意幾何、電影《人約離婚後》劇照、SBS《假面》劇照資料或影片來源：小紅書@創意幾何
