一家四口移民留沙田公屋做後路無還單位！最終1事被揭發沒收公屋｜網絡熱話

一家四口移民留公屋單位作後路

一名女網民發帖指，女友人一家四口已移民離港逾3個月，因憂慮一旦不能適應新生活可選擇回流，考慮到子女的未來，加上奶奶賣出自住樓與他們離開，因而保留沙田的公屋單位作為回流後著。直至近日全家先後2次缺席大廈強制檢疫，被政府揭發他們已離港，女友人一家需在9月交回單位。現時女友人已在該地成功租屋，估計短期內不會回港，故請其他在港的親戚幫忙清空單位。該位作為朋友的女網民明言，「霸住間屋係唔啱，我覺得佢帶得兩個走，就有啲決心，父母咁猶豫會累死佢哋」。

網民斥霸佔公屋自私

帖文一出，網民一面倒地覺得女友人已移民離港後仍霸佔公屋的行為十分自私，「既然移咗民，即係無住屋需要，交還公屋合情合理」、「佢哋仲想留後路畀自己？而家交返間屋出嚟畀真正有需要嘅人係好事！」、「根本移民就應該交返間屋啦，唔值得可憐！」、「咪係！寧願丟空都唔交返畀有需要嘅人，好自私！」

網民：政府唔反告佢已經仁至義盡

有網民贊成政府沒收公屋，「應該恭喜佢啦！政府幫佢下決心，破釜沉舟！」、「有錢移民就梗係要交還公屋啦，濫用政府資源，政府唔反告佢已經仁至義盡！」、「本來我覺得強檢好浪費公帑，而家突然覺得政府原來捉收屋多過強檢。」

「逾3個月非經常持續居於單位」屬嚴重違反租約

根據房屋署資料，若租戶嚴重違反租約濫用公屋，房屋署將不予警告，終止租約。因違反租約條款而被終止公屋租約的前租戶及其18歲或以上的家庭成員，由終止租約日期起兩年內，不合資格申請公屋。日後亦不會獲編配至地理位置、樓齡和樓層比其之前較佳的單位。嚴重違反租約行為包括：

• 把單位分租 (不論有沒有租金收入)
• 居住在經證實的另外居所，或逾三個月非經常持續居於單位 (「經常持續」一詞按其常義詮釋，審理個案時以合理標準為關鍵尺度)
• 在單位進行不法活動

資料來源：親子王國討論區