租樓
租樓

租樓遇離譜業主! 死約期間要求入屋裝修3個月 網民獻計靠1招趕絕業主

熱話

廣告

租樓要遇著好業主唔容易,有時遇到諸多要求的業主「真係執到喊三聲」!早前有網民指,自己租樓時被業主於租約期間多次要求入屋裝修,一整整足3個月,期間非常困擾!就此問題更上討論區求救,分享慘痛經歷,結果引來不少網民指教,稱「根本唔使理佢」!

租樓死約期間業主要求入屋裝修 租客:整成3個月好麻煩!

該網民以「俾個業主搞到好鬼嬲,點部署」為題,在討論區發文,指自己大約一年前租了一個舊樓連天台單位,「貪佢可以燒吓嘢食種吓花花草草咁」,並稱一直都與業主相安無事,亦自問是個正常住客,「準時交租亦無乜嘢會勞煩到佢」。 然而,最近業主突然說天台要封三個月做防水工程,「即係我租個地方返嚟俾人裝修三個月,又嘈,又漏水,個業主成日話無計,話要搵返工程嗰邊搞」。租客續指,「老實講係預咗佢一定會漏水,做防水工程,過程中係無可能唔漏啦,只係覺得個業主其實一定一早知道個天台會封3個月,但無同我講一句,發生咗先要我硬食,搬哂我天台啲野落黎,又要我成日開門俾啲裝修佬」。

租樓 業主其實一定一早知道個天台會封3個月!
業主其實一定一早知道個天台會封3個月!(圖片來源:《愛回家》劇照)

「減租又我出哂聲先象徵式減少少,然後啲師傅紅日都開工,日日嘈X到XX,基本上依加我係一定會搬,但真係好想搞X個XX業主」。

網民獻計:即刻唔交租

帖文一出,即引來網民熱烈討論,有網民反問「唔通你成日好X得閒開門俾裝修佬做嘢咩」。樓主就回應指,近日業主帶了師傅上樓,並在他面前向師傅指「俾個期出黎,住客會就」,令他當場氣炸!更直指「佢唔俾我好過,我都唔會俾佢好過」, 有網民就質疑「玩防水都做3個月?個業主自己放假落手做啊」,建議樓主可以大條道理做租霸不交租: 「唔交租,直到工程完結」、 「即刻唔交租,整佢老X。」 「業主違反合約在先」、 「做租霸,周圍揩排泄物落間屋」。

租樓 近日業主帶了師傅上樓,並在他面前向師傅指「俾個期出黎,住客會就」。
近日業主帶了師傅上樓,並在他面前向師傅指「俾個期出黎,住客會就」。(圖片來源:《婚姻合夥人》劇照)

最佳方法:唔開門!

不過,有網民就理性分析,租客做租霸始終會理虧,但按照法律可以大條道理不開門: 「唔交租樓主都有位俾人入,本身租客就有權唔畀佢入單位開工,傾唔掂咪唔好俾佢埋尾囉,反正都預咗搬」、 「Exactly ,作為租客你準時交租就得,冇義務開門俾佢,佢搵人開門你可以報警唔見嘢」、 「依家個天台係你私人地方你可以唔畀佢入,強行入可以報警」 、「正路租咗,你有權唔比人入去」、 「唔係咩叫租咗,你一句唔可以已經收業主皮」。

雙贏方案?「不如傾減租」

亦有網民指與其與業主反面,倒不如與業主傾扣減天台租金: 「你可以唔比佢個做工程until你完成死約搬走,但即係反面,佢做得防水應該真係好需要先做,你同佢傾返要扣返天台既租金好過啦」。

租樓 網民指與其與業主反面,倒不如與業主傾扣減天台租金。
網民指與其與業主反面,倒不如與業主傾扣減天台租金。(圖片來源:《香港愛情故事》劇照)

原文刊於:《經濟一週》

圖片來源:《婚姻合夥人》劇照、連登討論區、《愛回家》劇照、《香港愛情故事》劇照