迷你兵團
迷你兵團

直擊 迷你兵團 Minions 侵襲獅國影城!Banana 黃色警示 【新加坡】

熱話

廣告

黃黔黔的身軀穿上一條藍色工人褲的小生物,憑著可愛造型、鬼馬動作,撞板多過食蕉而紅爆全球,更有本事飛甩《壞蛋獎門人》內的配角命運,上位擔正主演《 迷 你兵團 》(Minions)。雖然香港要等到今週才上映,但自從他們化身Tic Tac糖引起炒賣熱潮後,全球由食落肚、著上身到可以抱抱真身的主題樂園都已被黃色軍團攻陷。當中以新加坡、大阪、美國和台北的「戰況」最為嚴峻, 迷你兵團 攬得玩得,令大家瘋狂自拍之餘,各地限定丟紀念品更隨時令你荷包防線失守!

迷你兵團 各地首映期間都花臣多多,LA 上周放映時就最大陣仗,率先用香蕉引來3粒迷你兵爬上半圓戲院賀一賀。
各地首映期間都花臣多多,LA 上周放映時就最大陣仗,率先用香蕉引來3粒迷你兵爬上半圓戲院賀一賀。

 

連粉絲都不知道丟秘密

自問從前未看過 Minions 任何演出,只覺得粒粒黃色全都一模一樣,直至被委派完 成 迷你兵團 環球集郵的任務,起底後才發現,每位身世、特徵、性格等都隱藏很多爆趣秘密。身邊自稱粉絲的朋友,面對以下刁鑽解構都投降話自己鍾意得太表面!

1. 名字有樣睇

新戲《 迷你兵團 》故事圍繞以下3位,但其 實曾現身銀幕的 Minions 都有名畀你叫,而且隻隻都係男仔名(如Kevin、Stuart、Bob、Dave、Jerry、Phil、Mark、Jorge、Tim等),至於兵團究竟是怎樣單性繁殖亦會在新戲大解謎!

電影主角1. Kevin (左)
外形特徵 :兩隻眼,個子高瘦,噴水池髮型。
性格:聰明友善,擅長使用武器。

電影主角2. Stuart (中)
外形特徵:單眼,頭髮扁塌塌中間分界,是最矮的迷你兵。
性格:風趣幽默,打機了得,喜歡彈結他。

電影主角3. Bob國(右)
外形特徵:眼珠鴛鴦色( 左眼綠、右眼啡 )、 身形矮小圓潤、光頭。
性格:調皮、鍾意整惡作劇,會做任何事去引人注意。

2. 國家譯名大不同
香港:迷你兵團
台灣:小小兵
內地:小黃人

3. 大軍人數之謎

雖然導演曾聲稱迷你兵共有899隻,但單憑粉絲數過電影海報的迷你兵有10,400隻,我宣佈,總數仍然是個謎!

4. 髮型
迷你兵團 Minions 小小兵 小黃人  16

迷你兵髮 型只有5種。(左起:平頭陸軍、中間分界、光頭、稀疏長毛、噴水池)

5. 手指
迷你兵團 Minions 小小兵 小黃人 15

只有3隻手指。

6. 點解變種迷你兵是紫色?
迷你兵團 Minions 小小兵 小黃人 變種 邪惡 迷你兵

變種的邪惡迷你兵,顏色由黃變紫,剛好是光譜中兩隻對立的顏色。

7. 抗逆能力

迷你兵團去到太空都可生存,因他們不需 依靠氧氣呼吸,可以抵抗極低溫的無氧太 空環境。

 

狂迷苦等 新加坡兵團出巡實錄

早在迷你兵團於《 壞蛋獎門人 》當配角時,新加坡環球影城已將他們引入園區,有得見到真身,同場亦設紀念品店。新戲上畫在即,我發覺現場依然人氣不減。樂園安排新戲主角 Bob、 Kevin 和 Stuart 每日分4個時段出現同遊客影相。3位蛋頭巨星在近10位工作人員護航下出巡,即時引來粉絲們追星般跟拍。開場前會有不足1分鐘的簡單跳舞表演,建議專心去排隊同 Minions 影相好過,因為他們每次只會逗留15分鐘,每人得15秒埋身自拍咋!

迷你兵團 Model 金Ling 用真蕉引誘 Stuart,最終反被嚇親,主動叫停。
Model 金Ling 用真蕉引誘 Stuart,最終反被嚇親,主動叫停。
迷你兵團 無用自拍棍,即時被阿 Bob 迫爆畫面。
無用自拍棍,即時被阿 Bob 迫爆畫面。

1. 人氣打卡位

迷你兵團 專門店前的硬膠公仔是另一個影相位,長期都有人排隊!
專門店前的硬膠公仔是另一個影相位,長期都有人排隊!

2. 親民互動

迷你兵團 好多小朋友都表現興奮,不時對他們摸手摸腳,但都會被工作人員喝止。
好多小朋友都表現興奮,不時對他們摸手摸腳,但都會被工作人員喝止。
迷你兵團 BB 表情呆滯,相反大人就好開心,似乎係佢自己鍾意啲喎!
BB 表情呆滯,相反大人就好開心,似乎係佢自己鍾意啲喎!
迷你兵團 3隻主角之中以阿 Bob 最識做,即使被工作人員趕羊般,都會停一停同遊客互動。
3隻主角之中以阿 Bob 最識做,即使被工作人員趕羊般,都會停一停同遊客互動。
迷你兵團 如想看 Minions 跳舞的話,就要謹守前排位置,切勿跟大隊追住 Minions 行。
如想看 Minions 跳舞的話,就要謹守前排位置,切勿跟大隊追住 Minions 行。

3. 荷包大出血 必買清單

粉絲除了同迷你兵影合照外,幾乎長期逼爆只賣迷你兵商品的 Minion Mart。產品花 多眼亂,由迷你兵造型的糖果、毛公仔、嬰兒 服飾、模形玩具都有,當中有11款更是店內限定品,但最常見人買走的就是硬膠公仔水壺。可惜入場當日,獨家貨品如浴巾、Tee Shirt、文具套裝已沽清,連員工都未能答實會否返貨。

迷你兵團 香蕉頭套 SG$39.9/HK$230 ,單眼迷你兵公仔 SG$43.9/HK$252。
香蕉頭套 SG$39.9/HK$230 ,單眼迷你兵公仔 SG$43.9/HK$252。
迷你兵團 獨角馬公仔 SG$43.9/HK$252。睇住小朋友被媽媽拒絕買走獨角馬公仔,放回貨架前仲攬到實一 實,陰功囉!
獨角馬公仔 SG$43.9/HK$252。睇住小朋友被媽媽拒絕買走獨角馬公仔,放回貨架前仲攬到實一 實,陰功囉!
迷你兵團 (最Hit!)水樽 SG$26.9/HK$154
(最Hit!)水樽 SG$26.9/HK$154
迷你兵團 樽裝糖 SG$9.9/HK$57
樽裝糖 SG$9.9/HK$57
迷你兵團 變聲器 SG$19.9/HK$114 可將說話變成 Minion 聲,仲可調節高、中、低音。
變聲器 SG$19.9/HK$114 可將說話變成 Minion 聲,仲可調節高、中、低音。
迷你兵團 組合模型 SG$29.9/HK$172 玩具套裝包含多件配件,可自由組合各款搞笑造形。
組合模型 SG$29.9/HK$172 玩具套裝包含多件配件,可自由組合各款搞笑造形。
迷你兵團 護照套 SG$9.9/HK$57
護照套 SG$9.9/HK$57

新加坡限定!

迷你兵團 文件夾(一套2款) SG$8.9/HK$51
文件夾(一套2款) SG$8.9/HK$51
迷你兵團 文件夾(一套2款) SG$8.9/HK$51
文件夾(一套2款) SG$8.9/HK$51
迷你兵團 Trouble Game飛行棋 SG$36.9/HK$212
Trouble Game飛行棋 SG$36.9/HK$212
迷你兵團 20吋行李箱 SG$149 /HK$855
20吋行李箱 SG$149 /HK$855
迷你兵團 職員收錢好慢,故經常出現人龍,惟獨點前人流較少,入園後先掃貨,人少少又不怕心頭好沽清。
職員收錢好慢,故經常出現人龍,惟獨點前人流較少,入園後先掃貨,人少少又不怕心頭好沽清。

新加坡環球影城
地址:8 Sentosa Gateway, Sentosa Island, Singapore(顯示地圖
電話:+65-6577-8888
開放時間:10am-7pm( 周五六日或延長1小時,須於官網確認 )
票價:成人 SG$74/HK$425,小童 SG$54/HK$310
網址:www.rwsentosa.com/uss
前往方法:坐地鐵到 Harbourfront 站後,轉乘 Sentosa Express 於 Waterfront 站下車

全球麥記兵團 環球新地比併

1. 香港

迷你兵團 芒果味仲要得張紙印有 Minions,極求其!
芒果味仲要得張紙印有 Minions,極求其!

2.馬來西亞

迷你兵團 檸檬味藍色新地筒,一推出大家都覺得賣相奇怪但又搶住想試!
檸檬味藍色新地筒,一推出大家都覺得賣相奇怪但又搶住想試!

3. 新加坡

迷你兵團 藍色新地筒無特別味道,只是單純被染色。
藍色新地筒無特別味道,只是單純被染色。
迷你兵團 雖然換包裝不換麥樂雞,但相信 Fans 連紙盒都想儲。
雖然換包裝不換麥樂雞,但相信 Fans 連紙盒都想儲。
迷你兵團 新加坡8間有 Minions 佈置的分店 會在7月23日就「打回原形」,想去影相的朋友要快手啦!
新加坡8間有 Minions 佈置的分店 會在7月23日就「打回原形」,想去影相的朋友要快手啦!

4. 菲律賓

迷你兵團 香蕉味脆片加可愛紙筒,最抵買!
香蕉味脆片加可愛紙筒,最抵買!

5. 巴西 (最爆趣!)

迷你兵團 香蕉批新地
香蕉批新地
迷你兵團 同場加映!迷你兵薯粒。太cute唔「些牙」唔得!
同場加映!迷你兵薯粒。太cute唔「些牙」唔得!

6.泰國

迷你兵團 7月3日起在泰國老麥買169銖套餐便可得這個限定版薯條膠兜!最衰胡慧沖已報導,勁多人話因此要去泰國!
7月3日起在泰國老麥買169銖套餐便可得這個限定版薯條膠兜!最衰胡慧沖已報導,勁多人話因此要去泰國!
《 迷你兵團 》7月9日香港上映。
《 迷你兵團 》7月9日香港上映。
迷你兵團 新戲將提及迷你兵原來是史前生物,自盤古初開,已跟過無數頂尖大佬,由暴龍大哥、德古拉伯爵,以至拿破崙將軍都跟過,雖然蝦碌成性,從來跟得唔長 ......
新戲將提及迷你兵原來是史前生物,自盤古初開,已跟過無數頂尖大佬,由暴龍大哥、德古拉伯爵,以至拿破崙將軍都跟過,雖然蝦碌成性,從來跟得唔長 ……

新戲大吹英倫風

今 趟新戲是《 壞蛋獎門人 》前傳,時序由恐龍時代、拿破 崙到60年代紐約,但最終劇情在英國發展,令這個走開型格路線的國家都忽然可愛,最正一定係 BOB 的霸氣國皇新造型,套劇仲好多笑位都描述到英國人的生活習慣和街景,成功撈獲英倫人的心。難怪倫敦首映大搞派對,粉絲們都甘心臣服 KING BOB 之下,戴晒大眼紳士帽舉晒旗,恭迎聖駕!

迷你兵團 平時拎住隻熊啤啤、賣萌的阿 Bob 著咗新衣後立即成熟晒,去到倫敦首映禮行黃地墊都好淡定!
平時拎住隻熊啤啤、賣萌的阿 Bob 著咗新衣後立即成熟晒,去到倫敦首映禮行黃地墊都好淡定!
迷你兵團 阿 Bob 無端端「 黃袍加身 」做到皇帝,其實全因為他無意間拔起一把劍。
阿 Bob 無端端「 黃袍加身 」做到皇帝,其實全因為他無意間拔起一把劍。
今集全新歹角Scarlet由Sandra Bullock配音,戲中正是她落柯打要迷你兵團幫手偷英女皇的后冠!
今集全新歹角Scarlet由Sandra Bullock配音,戲中正是她落柯打要迷你兵團幫手偷英女皇的后冠!

我最期待的畫面!!!

此 行先帶大家到新加坡,全因這裡的環球影城是跟迷你兵團見面最近的短線選擇!未拜見兵團前,先捉實現場狂迷追問兵團吸引力何在!各人單是見到我手上的 Minions 紙牌都已好雀躍,大人細路都好肯上鏡,可見兵團魅力沒法擋!問大家最期待新戲邊部分?新加坡粉絲原來已睇完,仲劇透我知!嗚呀!

1. 香港粉絲

迷你兵團 Layla, Andrea :網上有人將 Minions 整成超級英雄、 迪士尼角色都好神似。期待今集有更多新造型!
Layla, Andrea :網上有人將 Minions 整成超級英雄、 迪士尼角色都好神似。期待今集有更多新造型!

2. 澳洲粉絲

迷你兵團 Madafferi家庭:他們每隻都有不同個性,見到香蕉就發狂時很可愛。睇預告 Stuart 肚餓到以為Kevin同Bob係香蕉,好爆笑。
Madafferi家庭:他們每隻都有不同個性,見到香蕉就發狂時很可愛。睇預告 Stuart 肚餓到以為Kevin同Bob係香蕉,好爆笑。

3. 中國粉絲

王氏家庭:我鍾意迷你兵團夠論盡,經常烏龍百出,好多笑位。但好想知點解阿 Bob 可以做到皇帝。
王氏家庭:我鍾意迷你兵團夠論盡,經常烏龍百出,好多笑位。但好想知點解阿 Bob 可以做到皇帝。

4. 新加坡粉絲

迷你兵團 Angsili, Benedict:他們唱情歌時,扮認真但又有點調皮,好打耳。今集有新大佬煞天嬌出現,想睇 Minions 點樣幫唔到手。
Angsili, Benedict:他們唱情歌時,扮認真但又有點調皮,好打耳。今集有新大佬煞天嬌出現,想睇 Minions 點樣幫唔到手。
迷你兵團 Samantha, Claire:每次都聽唔明他們嘰哩咕嚕講什麼都幾好笑。我哋早在新加坡睇完新戲,最深刻 Stuart 用迷暈帽整蠱三個守衛,令佢哋邊跳邊除衫,全場大笑。
Samantha, Claire:每次都聽唔明他們嘰哩咕嚕講什麼都幾好笑。我哋早在新加坡睇完新戲,最深刻 Stuart 用迷暈帽整蠱三個守衛,令佢哋邊跳邊除衫,全場大笑。

最新吃喝玩樂資訊