港媽搭的士帶子女睇醫生驚覺冇帶銀包 司機善心舉動獲網民激讚！｜網絡熱話
港媽搭的士驚覺冇帶銀包
有網民在Facebook「西環變幻時」分享最近遇到的好人好事，事主早前帶兩個小朋友搭的士去西營盤做視力檢查，怎料到達目的地後，事主發現自己因為換了袋，所以無帶銀包。事主頓時不知所措，「真係唔知點算，原本想用payme畀，但司機叔叔似乎冇payme 。」然後司機問事主有沒有散紙，事主十分尷尬：「我摷吓個袋，真係一毫子都冇，然後司機叔叔竟然話，咁我畀錢你啦！」
司機唔收錢反而畀錢事主
事主原本以為司機只是開玩笑，怎料司機開口問事主：「二百夠唔夠啊？我畀夠三百你啦」事主非常驚訝，「原來佢真係唔係講笑，佢可能見我一個女人仔湊住兩個細路又落雨咁，想俾啲車錢我地返屋企。我嗰刻真係有說不出嘅感動，我都多次拒絕，最後都係收咗司機叔叔一百蚊，因為當時已經有另一組乘客要上車。」
事主感激司機俠義相助
事主亦問了司機的銀行帳號，已經過數給司機，事主感激司機相助，「好多謝的士司機周先生，俠義相助，希望我哋香港人可以喺呢個狂風雷暴嘅季節繼續守望相助。」不少網民紛紛留言，大讚的士司機好好，人間有情：「好人一生平安」、「人有好有壞，不同地方不同行業」、「好人好事，香港人互相扶持，不再爭拗」、「簡直係的士業界嘅清泉」。
有網民亦曾忘記帶銀包
有網民表示也試過換手袋後忘記帶銀包，「落車先至發現冇銀包，非常唔好意思，司機哥哥反而話唔緊要啦你下次先俾返我啦！但係我真係唔想欠佢錢，我就叫司機哥哥車去一個地方，叫個朋友落嚟借錢畀我」、「係呀世界上真係仲有好多好人㗎！會相信我哋。」
網民：好少香港的士司機是好人
有網民表示在香港遇到好人不出奇，不過好少香港的士司機是好人：「衰嘅見得多，好嘅從未見過」、「700萬份之1都俾你遇到，你應該買六合彩，因為仲難過中六合彩」，亦有網民曾遇過不少好人的士司機：「做邊行都有壞人有好人，的士司機其實好多個都好好，我本身都做的士，我都覺得呢位人兄真係好人」。
資料來源：Facebook@西環變幻時
