港女的士內大戰司機影片被廣傳 落車問「有無折」焫著司機 臨尾再講1絕話
廣告
不時都會有人在交通工具上發生爭執，最常在網上流出的影片之一非的士車Cam莫屬，乘客與的士司機的對罵可說是屢見不鮮。近日，一位中年港女在乘坐的士時，因為不滿車費未有折扣而與司機展開激烈對罵，從車Cam片段中可看出港女後來有意圖解決事件，惟火爆司機卻仍然嬲爆，最後引到港女爆出1句辱罵「攞尾彩」，令網民直指他們行為無疑是「丟晒全部人架」！
港女不滿搭的士無折扣 與司機展開激烈對罵
乘客與的士司機的罵戰屢見不鮮，不時都會在網上看到人們因大大小小的事而產生矛盾。近日，一位中年港女在乘客的士時，就因為車費未有折扣而引發罵戰，事發經過的車Cam片亦被司機放在網上圍爐。片中可見，女乘客在到達目的地後，問司機車資是否有折扣，司機即時發出「吓」的驚訝聲，令Call車的女乘客以為自己「撳咗正價呀？」司機隨即不耐煩地諷刺「睇清楚個App先好無？要跟錶收費啦姐姐！」又揚言「Call車法例要求都係跟錶收費！」
意圖用幾蚊解決 最後1句辱罵司機攞尾彩
因問一句「係咪有折」而被司機怒罵的女乘客未有即時發火，僅在落車前意圖用幾蚊解決，對司機表示「得啦，我記住你啦，好簡單之嘛，畀多幾蚊你」，之後便落車。惟此時司機仍然嬲爆，不但爆粗怒罵「妳睇醫生啊！睇下你敢唔敢講折，傻X，X你老X！」而女乘客亦不甘示弱，臨落車時都用1句辱罵司機「攞尾彩」，揚言「留返俾你自己（睇醫生）啦！成家睇呀你！」
網民兩邊都唔撐：丟晒全部人架！
車Cam片段清楚錄下女乘客及司機的對話，引來大批網民熱烈討論。網民的意見不一，有人認為Call車「有折係正常」、「都係為折先Call車」，又指女乘客開頭問是否有折時態度亦正常，「唔知做乜司機即時起槓」、「的士佬真係特別惡」、「俾錢佢賺仲要俾佢鬧」。亦有網民狠批女乘客是「攞著數西客」、「客唔係大晒」，力撐司機企硬是合理做法。可見網民的睇法不一，有網民更直言「兩邊都唔撐」，怒斥二人「丟晒全部人架」！
圖片來源：Facebook@的士司機資訊網Taxi資料或影片來源：Facebook@的士司機資訊網Taxi
