35歲人妻想生小孩！但兩件小事發現老公係豬隊友：生咗仔我會好慘｜網絡熱話

35歲人妻高齡想生小孩 老公卻是豬隊友！

港女人妻在網上指，自己已達35歲，年齡愈大心態都有所改變，最近有生BB的想法。「可能真係女人天性+進入高齡的倒數，就會周不時會有生仔嘅意欲，驚而家唔生，將來會後悔… 」於是人妻與老公進行討論，人妻指生育後，她未必能夠同時兼顧工作，於是跟老公傾談，更要約法幾章！

人妻指假如在家湊仔，老公要付家用或零用、不可以旨意港女做所有家務和湊小朋友。「到時佢唔可以仲成日掛住打機，或者當BB半夜喊時佢仲繼續大覺訓，然後叫佢幫手時就埋怨話自己返工已經好辛苦+要早起身etc，然後覺得我喺屋企好得閒仲攤大手板問佢攞錢，所以我冇資格對佢有任何要求/投訴… 」

港女人妻卻步：生咗仔我會好慘

而老公亦「拍心口」答應老婆會幫手湊小孩和做家務，但人妻後來卻發現老公根本是「豬隊友」，更列老公2宗罪！

1.觀察力兼沒有用腦思考

人妻指有日買了一袋口罩，放於用背心膠袋內並安置在檯面。夜晚吃飯後，難得老公肯收拾兼主動倒垃圾，她都非常安慰。但到第二日人妻才發現老公將口罩連同垃圾一起掉了，人妻立即崩潰。「我個心係覺得佢個人做屋企嘅嘢時就係咁樣囉，永遠咪埋眼咁做，冇用腦冇用心嘅，一袋嘢係咪垃圾都分唔到… 叫你湊仔嘅話你會唔會餵咗奶又以為未餵，未換片又以為換咗？」

2.沉迷打機，打到忘我

人妻覺得老公經常沉迷打機，打到忘我，更因為打機連小事都做不好，因此令人妻反覆思考老公是否能當一個好爸爸。事緣在結婚周年當日，人妻為老公準備大餐，而老公則在客廳打機，但因為太專注打機關係，老公居然不知道老婆正在辛苦下廚，竟然打電話叫外賣，此舉已令老婆非常失望。

於是老婆為外賣準備兩隻碗，打算將外賣倒到乾淨碗碟、留到明天才吃，不過沉迷打機的老公卻沒有留意到老婆用心，反而拆開外賣係度食。老婆於時發脾氣大鬧，但老公卻卻掉轉頭發脾氣。「我想話嗰兩隻大碗唔係我哋平時裝飯的飯碗嚟架，佢食咗咁多年飯都仲未知個喎，真係好嘢…」

後來老公就連倒垃圾也處理得非常差，令人妻對生小孩卻步。「其實我都唔係嬲，係好失望，我覺得佢唔適合做爸爸。或者令我覺得如果有咗小朋友我會好無助好miserable…」

網民勸唔好生：唔生你可能後悔，生咗你必定後悔！

不少網民得悉事件後，紛紛表示港女與老公都不適合生小孩，有人認為生小孩後，老婆負擔很重，同時要照顧兩人，而有網民更明言「唔生你可能後悔，生咗你必定後悔！」叫港女三思！

原文：

資料來源：香港討論區